Elbasy Olimpiada chempiondary men jüldegerlerın marapattauǧa arnalǧan saltanatty räsımge qatysty
Räsımdı aşqan Memleket basşysy barşa qazaqstandyqtardy Ūlttyq qūramanyŋ Rio-de-Janeirodaǧy HHHI jazǧy Olimpiia oiyndarynda tabysty öner körsetuımen qūttyqtady.
– Bızdıŋ sportşylarymyzdyŋ Olimpiadadaǧy medaldary, joǧary sporttyq nätijelerı men jetıstıkterı Qazaqstan täuelsızdıgınıŋ aldaǧy 25 jyldyǧyna laiyqty syi bolyp sanalady. Sızder bızdıŋ elımızdıŋ halyqaralyq sporttaǧy märtebesı biıktıgın däleldep, jattyqtyruşylar men janküierlerdıŋ ǧana emes, barşa qazaqstandyqtardyŋ ümıtın aqtadyŋyzdar, – dedı Nūrsūltan Nazarbaev.
Qazaqstan Prezidentı ötken Olimpiadada bızdıŋ qūramanyŋ türlı därejedegı 17 medaldı ielengenın atap öttı.
– Būl – Qazaqstannyŋ älemdık olimpiadalyq qozǧalysqa qatysu tarihyndaǧy basqa Olimpiia oiyndaryndaǧy jüldelerden äldeqaida köp. Resmi emes medaldık esepte bızdıŋ olimpiadalyq qūrama älemnıŋ 207 elınıŋ sporttyq qūramalary ışınde 22-orynda tūr. Barşamyz Riodaǧy Olimpiada tūǧyrynda elımızdıŋ änūrany 3 ret şyrqalyp, tuymyzdyŋ 3 ret eŋ biıkte jelbıregenıne maqtanamyz. Osylaişa, boksşy Daniiar Eleusınov, suǧa jüzuden el tarihyndaǧy tūŋǧyş chempion – Dmitrii Balandin, auyr atlet Nijat Rahimov erekşe jetıstıkterge jetıp, Olimpiada jeŋımpazy atandy. Olimpiadadaǧy tabystyŋ ortaq qorjynyna 5 kümıs jäne 9 qola medal iegerlerı mol olja saldy, – dedı Memleket basşysy.
Sondai-aq, Nūrsūltan Nazarbaev Ūlttyq qūramanyŋ jattyqtyruşylar qūramyna, olimpiadaşylardyŋ otbasylaryna jäne barşa qazaqstandyqtarǧa saiysta qoldau bıldırgenı üşın, al sportşylarǧa – naǧyz bäsekede körsetken erık-jıgerı men olimpiadalyq daŋqqa ūmtylysy üşın alǧys aitty.
Qazaqstan Prezidentı Ūlttyq qūramanyŋ jetıstıkterı Rio-de-Janeiroda ötetın aldaǧy HV jazǧy Paralimpiia oiyndaryna qatysatyn sportşylarǧa ruh beretının aityp, olarǧa tabys pen joǧary nätije tıledı.
Elbasy Qazaqstannyŋ 25 jyl belesınde älemdık olimpiadalyq qozǧalysqa qatysqan atletterımızdıŋ köptegen jarqyn jeŋısterge qol jetkızgenın aitty.
– Qazaqstandyqtardyŋ 2016 jylǧy jeŋıp alǧan marapattaryn qosqanda elımızdıŋ olimpiadalyq qazynasyndaǧy medal sany 69-ǧa jettı. Bızdıŋ elımızde 1992 jyldan bergı jazǧy jäne qysqy Olimpiia oiyndarynda jeŋımpaz bolǧan 19 olimpiada chempiony, 22 kümıs jäne 28 qola medal iegerlerı bar. Būl joǧary jetıstıkter – memlekettıŋ tūraqty qamqorlyǧynyŋ jäne sportty damytuǧa jaǧdai jasaudyŋ nätijesı, – dedı Nūrsūltan Nazarbaev.
Soŋynda Qazaqstan Prezidentı barşa qazaqstandyqtardy qol jetken jeŋısterımızben qūttyqtap, älemdık sport biıgınde jaŋa tabysqa jetulerıne tılektestık bıldırdı.
Söz söilegen Olimpiia oiyndarynyŋ jeŋımpazdary men jüldegerlerı jäne ıs-şaraǧa qatysuşylar Memleket basşysyna elımızdegı sport pen dene tärbiesın damytu mäselelerıne ūdaiy qoldau körsetıp, köŋıl bölıp otyratyny üşın alǧys bıldırdı.
Sondai-aq, Nūrsūltan Nazarbaev räsım barysynda olimpiada chempiondary men jüldegerlerıne memlekettık marapattar tapsyrdy, dep habarlaidy Aqordanyŋ baspasöz qyzmetı.
