«EKSPO-2017» qarsaŋynda halyqaralyq körmege keluşıler Astana jaily köp närse bılgısı keletını sözsız. Būl rette juyrda aşylǧan 3D.astana.kz saity qala qonaqtaryna elordanyŋ äleuetı men kündelıktı tırşılıgın tanystyryp qana qoimai, bas qalanyŋ tükpır-tükpırıne deiın virtualdy seruendeuge mümkındık beredı.
Saitta qalanyŋ tarihy, qonaqüiler, sonymen qatar, äuejai jäne temırjol turaly aqparattar keŋınen ornalastyrylǧan. Erekşelıgı – qalanyŋ är būryşyna saiahat jasauǧa bolady. Iаǧni, paidalanuşylar qala köşelerı, qonaqüi ǧimarattary, muzeiler, universitetter, restorandar, teatrlar, sauda oiyn-sauyq ortalyqtary, eskertkışter jäne basqa da körıktı jerlermen jaqynyraq tanysady. Mäselen, «Bäiterek» monumentın, «Han Şatyr», «Keruen» sauda, oiyn-sauyq ortalyqtaryn, qala meşıtterın, «Qazaqstan» konsert zalyn, Oquşylar saraiyn, «Saryarqa» velotregın, Nazarbaev universitetın köruge, tıptı, olardy «aralauǧa» mümkındık bar.
Soŋǧy tehnologiianyŋ arqasynda, ekran aldynda otyryp-aq, gigapikseldı panoramalar arqyly beinesuretterdı ülkeitıp, qalanyŋ ärbır būryşy pen quysyn qyzyqtauǧa bolady. Al, jaŋalyqtar aidarynda däl qazır elordada qandai ıs-şaralar bolyp jatqany jariialanyp tūrady.
Qonaqtarǧa bes jūldyzdy meiramhanalardan bastap, hostelderge deiın taŋdau körsetılgen. Qolaily qonaq üidı tauyp, baǧasymen kelısuge bolady.
Jalpy, portal sūlulyqty süietın, qalanyŋ tarihy men mädenietın bılgısı keletın qauymǧa arnalǧan.
Gülmira ŞARHANQYZY
