Elorda tūrǧyndary qaladaǧy tūraqtylyq pen qauıpsızdıktı saqtau maqsatynda qūqyq qorǧau organdaryna kömek körsetu üşın «Halyq saqşysy» jasaǧyna bırıktı. Erıktıler arasynda sportşylar, därıgerler, käsıpkerler, mūǧalımder jäne volonterler bar. Olardyŋ bärı tärtıp saqşylarymen bırge tärtıpsızdıktıŋ jäne zaŋsyzdyqtyŋ aldyn alu üşın erıktı türde niet bıldırdı.
«Elımızde ne bolyp jatqanyn bärımız körıp otyrmyz. Beibıt şeruler jappai tärtıpsızdıkke, zorlyq-zombylyqqa, ūrlyqqa ūlasty. Öz qalamyz, elımız üşın alaŋdap otyrmyz. Sol sebeptı qalamyzda qandai da bır zaŋsyzdyq, tärtıpsızdık bolmas üşın jūdyryqtai jūmylyp otyrmyz» dedı käsıpker Älıbek Mūqataev.
Erıktıler arasynda niet bıldırgenderdıŋ basym bölıgı – sportşylar. Ringte, tatamide Qazaqstan namysyn qorǧap üirengen bılektı jıgıtter bügın küş qūrylymdarymen bırge memlekettık maŋyzy bar nysandardy, sol siiaqty qalanyŋ tynys-tırşılıgıne jauapty käsıporyndardy küzetetın bolady.
«Qoǧamdyq tärtıptı saqtau üşın qanşa uaqyt qajet bolsa da barymyzdy salyp kömektesetın bolamyz. Arandatuşylar, tärtıpsızdıktı ūiymdastyruşylar, sol siiaqty osyndai qiyn kezeŋde özgenıŋ esebınen öz paidasyn tabuǧa ūmtylatyndar özderıne küştı qarsylyq baryn bıluı tiıs. Bız poliseilerdıŋ tasasynda tyǧylyp otyrmaimyz» dedı aralas jekpe-jekten älem chempiony Eldar Qūdaibergenov.
Belsendı Azat Äbıkenovtıŋ aituynşa, öz üiıŋdı tonap, töŋkeru patriottyqtyŋ belgısı emes. Azat öz sözınde destruktivtı ıs-ärekettı aqtap aludyŋ eş qisyny joq ekenın airyqşa aityp öttı.
«Qala tūrǧyndary men qonaqtaryn qorǧau üşın jinaldyq. Bız professiiaǧa nemese konfessiiaǧa bölınbeimız. Bız elın kez kelgen jaudan qorǧaityn er-azamat retınde jinaldyq. Qalamyzda beibıtşılıktı saqtap qalu üşın qolymyzdan kelgennıŋ bärın jasaimyz» dedı ol.
