Astana esırtkını köp tūtynatyn qalalar qatarynda ataldy, dep habarlaidy astana-akshamy.kz
QMA esırtkı qūraldary men prekursorlardyŋ taraluy tūrǧysynan Telegram messendjerınıŋ arnalary, äleumettık jelıler men habarlandyru servisterı qamtylǧan jahandyq jelıge monitoring jürgızıp otyr.
El aumaǧynda Telegram arnalary arqyly esırtkı jäne psihotroptyq zattardy tūraqty negızde jarnamalaumen jäne satumen ainalysqan 80 paidalanuşynyŋ jeke basy anyqtaldy.
İnternet-keŋıstıktıŋ Qazaqstandyq segmentıne jürgızılgen monitoring nätijesınde 35 myŋǧa juyq qatysuşysy bar esırtkı satatyn 3 ırı alaŋ, esırtkı zattarynynyŋ äleuettı tūtynuşylary bolyp tabylatyn 10 myŋǧa juyq adamnyŋ jeke basy anyqtaldy, – delıngen habarlamada.
Taldau körsetkendei, tūtynuşylardyŋ 50% – dan astamy Astana, Almaty qalalary men Almaty oblysyna tiesılı.
Agenttık ötken jyly ainalymy 25,6 mlrd teŋgenı qūraityn 36 esırtkı dükenın anyqtady.
Biyl Telegram messendjerınde 60 esırtkı arnasyna tiesılı 59 kart-şot anyqtaldy.
Qarjylyq barlau bölımşesınıŋ aldyn ala taldau qorytyndysy boiynşa atalǧan dükenderdegı aqşa qarajatynyŋ jalpy ainalymy 3 mlrd teŋgenı qūrady.
Ainalymy 82 mln teŋgenı qūraityn esırtkı dükenderınıŋ bırı boiynşa materialdar IIM-ge joldandy.
Qūrmettı azamattar! Esırtkını qoldanu adam densaulyǧyna jaǧymsyz äser etetının taǧy da eske salamyz. Esırtkı arqyly jasöspırımderdıŋ densaulyǧyna qauıp tönuı mumkın. Ata-analardan balaŋyzdyŋ mınez-qūlqyna, onyŋ densaulyq jaǧdaiyna, ainalasyna nazar audarudy, internet keŋıstıgınde körgen kontenttı, satyp alularyn, sondai-aq onyŋ kartochkalyq şottaryna qarajat tüsu közderın baqylaudy sūraimyz. Esırtkı qūraldaryn satyp alu jäne saqtau üşın qylmystyq jauapkerşılık qarastyrylǧanyn eske salamyz, – delıngen QMA taratqan habarlamada.
