«AMANAT» partiiasy Astana qalalyq filialy janyndaǧy Öŋırlık damu mäselelerı jönındegı jäne Ekologiialyq keŋes müşelerınıŋ qatysuymen su tasqyny jaǧdaiyna monitoring jasaldy, dep habarlaidy astana-akshamy.kz
Monitoringke Astana qalasy mäslihatynyŋ deputattary, «AMANAT» partiiasy Astana qalalyq filialy janyndaǧy Partiialyq baqylau komissiiasynyŋ, Astana qalasy TJD, «Qazsuşar» RMK Aqmola oblysy filialynyŋ, «Astana qalasyn Esıl özenınıŋ tasqyn sularynan qorǧau» bögetınıŋ, Qorşaǧan ortany qorǧau jäne tabiǧat paidalanu basqarmasynyŋ ökılderı qatysty.
Mausym basynda Astana qalasynyŋ kommunaldyq qyzmetterı elordadan poligondarǧa 4,4 mln tekşe metr qar şyǧarylǧanyn mälımdegen. Astana su qoimasyna «Qazgidromet» boljaǧan su kölemınen ekı jarym ese köp su jinalsa da «Nūra-Esıl» kanaly men «Maibalyq» kölı arasynda ornalasqan kanal qardan tazartylyp, su qoimasy men Astanadaǧy jalǧyz böget su tasqyny mausymyna dūrys daiyndalǧanyn baiqap otyrmyz.
«AMANAT» partiiasy Astana qalalyq filialy atqaruşy hatşysy Mūhammed Bolysbek elordadaǧy su tasqyny mäselesın baqylauda ūstap otyratyn jūmys tobynyŋ qūrylǧanyn, jūmys toby sudyŋ kölemın, böget pen qoima jaǧdaiyn ünemı baqylap otyratynyn mälımdedı.
Esterıŋızge sala keteiık, elorda tūrǧyndary men oǧan jaqyn ornalasqan eldı mekenderdı sumen qamtamasyz etetın Astana su qoimasynyŋ syiymdylyǧy – 410,90 mln tekşe metr.
Köktem şyqqaly «AMANAT» partiiasy Astana qalalyq filialy janynan qūrylǧan jūmys toby elorda maŋyndaǧy su basu qaupı bar aumaqtardyŋ, su qoimasy men böget jaiyn jıtı baqylap, tiıstı şaralardy qabyldap keledı.
