2013 jyldyŋ 7 mausymynda auyr nauqastan soŋ 82 jasqa qaraǧan şaǧynda belgılı keŋes-partiia qyzmetkerı, QR derbes zeinetkerı Maǧauiia Seiılqyzy Esmaǧambetova ömırden ozdy.
M.S. Esmaǧambetova 1932 jyldyŋ 15 säuırınde Reseidıŋ Qorǧan oblysynyŋ Qūrtamyş audanyndaǧy Beloe selosynda düniege keldı. Osydan az uaqyttan keiın ata-anasy jäne bauyrlarymen Qazaqstannyŋ Qostanai oblysyna qonys audaryp, tūraq tapty. Osy jerde orta mekteptı aiaqtap, jas kezınen qoǧamdyq jūmystarǧa tartyldy. Aldymen pionervojatyi boldy, al 1950 jyldan bastap Ūzynköl audandyq komsomol komitetınıŋ bırınşı hatşysy bolsa, keiınnen Qazaqstan LKSM Qostanai obkomynyŋ bırınşı hatşysy qyzmetın atqardy.
Odan keiıngı köp jylǧy qyzmetı Esıl boiyndaǧy tyŋ ölkesımen bailanysty bolyp, osy jerde 1961 jyldyŋ nauryz aiynda, bar bolǧany 28 jasynda Selinnyi ölkelık atqaru komitetı töraǧasynyŋ orynbasary qyzmetıne sailandy. Būl ölke joiylǧasyn Selinograd oblystyq atqaru komitetı töraǧasynyŋ orynbasary, odan soŋ Qazaqstan Kompartiiasy Selinograd oblystyq partiia komitetınıŋ hatşysy boldy.
Sol jyldary joǧary, jauapty basşylyq qyzmetterde bolǧan az äielderdıŋ qataryna enıp, özıne jüktelgen mındetterdı abyroimen atqardy.
Maǧauiia Seiılqyzy 30 jylǧa juyq uaqyt äleumettık salanyŋ bılım beru, densaulyq saqtau, ǧylym men mädeniet sekıldı kürdelı uchaskılerıne jauapty bolyp, osy asa maŋyzdy salalardyŋ damuyna barlyq janyn saldy, materialdyq bazalarynyŋ nyǧaiuy, halyqqa qyzmet körsetu jūmysynyŋ jaqsaruy, basşylyq kadrlar men mamandardyŋ ırıkteluı üşın aianbai atsalysty.
Selinograd qalasynyŋ tört JOO-nyŋ, mektepterdıŋ, orta arnauly oqu oryndary men käsıptık uchilişelerınıŋ, köptegen mädeni oşaqtardyŋ, emhanalar men auruhana keşenderınıŋ, basqa da nysandardyŋ aşyluy men qalyptasuy onyŋ esımımen tyǧyz bailanysty.
Maǧauiia Seiılqyzynyŋ bastamasymen ärı basşylyǧymen oquşylardy eŋbekke baulu boiynşa edäuır jūmystar atqaryldy, oquşylyq öndırıstık brigadalary, mekteparalyq, oqu-öndırıstık kombinattary qūryldy, jastardy eŋbekke baulu, tärbieleu jäne käsıbi baǧdar beru boiynşa tūtas jüie qūryldy. Būl jüie respublikamyzda ǧana emes, bükıl QSRO-da sūranysqa ie boldy.
Onyŋ boiynan ülken ūiymdastyruşylyq qabılet, ıskerlık, adaldyq pen tazalyq pen talapşyldyq qasietter molynan tabylatyn. Ol adamdardy jandyra bıletın, josparlar men tapsyrmalardy oryndauǧa jıgerlendıretın, olardyŋ ıske asyryluyn qamtamasyz etetın.
Zeinetkerlıkke şyqqasyn Maǧauiia Seiılqyzy ardagerler qozǧalysy jūmysyna belsene aralasyp, Aqmola oblystyq Ardagerler keŋesı töraǧasynyŋ orynbasary, keiınnen keŋes töraiymy, Respublikalyq ardagerler ūiymy Ortalyq Keŋesınıŋ müşesı bolyp, öŋırdıŋ ardagerler ūiymdary jūmysyna köptegen igı jaŋalyqtardy engızedı.
Onyŋ qyzmetın respublika joǧary baǧalap, üş Eŋbek Qyzyl Tu ordenımen, üş «Qūrmet belgısı» ordenımen, Halyqtar dostyǧy men «Qūrmet» ordenderımen, köptegen medaldermen marapattaldy. Ol bırneşe märte komsomoldyq, partiialyq basşylyq organdardyŋ qūramyna endı.
Aldyna joǧary maqsat qoia bılgen adam, nyq moraldyq prinsipter men azamattyq ūstanymnyŋ iesı M.S.Esmaǧambetovanyŋ jarqyn beinesı ony bılgender men bırge jūmys ıstegenderdıŋ jürekterınde mäŋgıge qalady.
Aqmola oblysy äkımşılıgı
Aqmola oblystyq mäslihaty
«Ardagerler ūiymy» RQB oblystyq jäne ortalyq keŋester
