Grant iegerlerı anyqtaldy
Keşe barşa jūrtşylyq asyǧa tosyp jürgen memlekettık bılım grantyna ie bolǧan talapkerlerdıŋ tızımı jariialandy. Memlekettık bılım granttarynyŋ ielerın anyqtaityn komissiia bölgen 31 702 grant iegerlerı anyqtaldy.
Onyŋ ışınde 2 950 oryn joǧary oqu oryndarynyŋ daiyndyq bölımderınde oquǧa, 28 752 grant bırınşı kursqa qabyldauǧa qarastyrylǧan.
Soŋǧy jyldary elımızde industriialyq-innovasiialyq damu baǧdarlamasy jüielı damyp keledı. Biylǧy memlekettık granttyŋ köp bölıgı de osy maqsatty jüzege asyruǧa baǧyttalǧan. Sondyqtan da 12 593 grant tehnikalyq jäne tehnologiialyq mamandyqtarǧa bölıngen. Sonymen bırge, 5 000 grant – pedagogikalyq, 2 690 grant – auyl şaruaşylyǧy men veterinariia jäne 3 000 grant medisinalyq mamandyqtardy qamtyǧan.
QR Bılım jäne ǧylym ministrlıgınıŋ mälımetınşe, konkurstyq negızde memlekettık tapsyrys berıletın joǧary oqu oryndarynyŋ tızımı naqtylandy. Elımızdıŋ 112 azamattyq joǧary oqu oryny arasynda oqu granttary 87 joǧary oqu oryndaryna bölındı. Ötken jyly 64 oqu orny ǧana qamtylǧan edı.
Biylǧy oqu granttaryn alu konkursyna 59 677 talapker qatysuda, olardyŋ ışınde 47 342-sı – qazaq tılınde bılım aluǧa (80 paiyzǧa juyǧy), 12 335 tülek orys tılınde oquǧa tapsyrǧan.
Bılım bäsekesıne qatysqandar arasynda 2 208 «Altyn belgı» iegerı, 303 kolledj tülegı, 169 halyqaralyq jäne respublikalyq olimpiadalardyŋ jüldegerı, 854 halyqaralyq jäne respublikalyq ǧylymi jarystardyŋ jeŋımpazy, 948 türlı sporttyq saiystardyŋ jüirıkterı men 9 Prezidenttık olimpiadanyŋ jeŋımpazy bar. Olar grantty aluda basymdyqqa ie boldy.
Sondai-aq, konkursqa I, II top mügedektıgı bar 363 adam, Qazaqstan Respublikasynyŋ azamattyǧy joq qazaq ūlty ökılderınen 1 053 adam jäne 492 ata-anasynyŋ qamqorlyǧynan aiyrylǧan balalar men jetım balalar qatysuda. Būl talapkerlerge kvotalar belgılengen.
Azamat ESENJOL