K.Mäsımov ASEM sammitıne qatysu üşın Moŋǧoliiaǧa bardy (FOTO)
Qazaqstan Premer-Ministrı Kärım Mäsımov Europa jäne Aziia elderı sammitıne (ASEM) qatysu üşın Moŋǧoliiaǧa keldı. K.Mäsımov saparyn Elbasynyŋ tapsyrmasy boiynşa Moŋǧoliianyŋ Baian-Ölgei aimaǧynyŋ Ölgei qalasynan bastap, qazaq diasporasynyŋ ökılderımen kezdestı. Sondai-aq, Premer-Ministr Ūlan-Batyrǧa kelıp, Moŋǧoliianyŋ tarihi-mädeni eskertkışterımen tanysty.
Ölgei qalasynda K.Mäsımov aimaqtyq ölketanu mūrajaiynyŋ ekspozisiiasymen tanysty.
Aimaqtyq ölketanu mūrajaiy 1948 jyly qūryldy. Mūnda 5200-den astam jädıgerler saqtauly.
Premer-Ministr Moŋǧoliianyŋ eŋ ırı qazaq diasporasynyŋ ökılderımen kezdestı.
Ölgei qalasynda 90 myŋnan astam adam tūrady, onyŋ 88,7% – etnikalyq qazaqtar.
K.Mäsımov 2014 jyly aşylǧan №1 qazaq mektebın aralady. Qazaqstan Ükımetı mekteptı oqu qūraldarymen jäne oqulyqtarmen qamtamasyz etedı.
QR Premer-Ministrı Ölgei q. aimaqtyq muzykalyq-drama teatryna baryp, şeteldegı qazaq önerınıŋ damu barysyn kördı.
Tüsten keiın QR Premer-Ministrı Ūlan-Batyrǧa kelıp, «Şyŋǧyshan müsını» mūrajaiyn aralap, Tonykök köne türkı jazba eskertkışın kördı.
Bügın Premer-Ministr ASEM sammitınıŋ jūmysyna qatysady.