KASPİIDIŊ ARǦY JAǦY, BERGI JAǦY
Elbasy Nūrsūltan Nazarbaev elımızge memlekettık saparmen kelgen İran İslam respublikasynyŋ prezidentı Hasan Ruhanimen kezdestı.
Kezdesu barysynda qazaq-iran özara yqpaldastyǧyn odan ärı damytu men nyǧaitudyŋ negızgı joldary men tetıkterı talqylandy. Atap aitqanda, ekonomika, energetika, infraqūrylymdardy damytu, auyl şaruaşylyǧy jäne kölık-tranzit salalaryndaǧy yntymaqtastyq mäselelerı qozǧaldy.
Memleket basşysy Qazaqstan men İrannyŋ arasyndaǧy qarym-qatynas ärdaiym tūraqty damyp kelgenın jäne bügıngı taŋda būl jarasymdy yntymaqtastyqtyŋ ärı qarai örkendetuge qajettı äleuet bar ekenın aitty.
Al, Hasan Ruhani öz kezegınde İran jaǧy Qazaqstanmen qarym-qatynasty damytuǧa airyqşa män beretının atap öttı.
Taraptardyŋ keŋeitılgen qūramdaǧy kezdesuı kezınde Memleket basşysy Qazaqstannyŋ İran İslam Respublikasyn älemdegı ǧana emes, Kaspii öŋırı boiynşa da maŋyzdy serıktes retınde qarastyratynyn jetkızdı.
Nūrsūltan Nazarbaev İrannyŋ iadrolyq mäselesınıŋ de şeşımın tabatynyna jäne osy eldıŋ ekonomikasynyŋ damuyna septıgın tigızetındıgıne senım bıldırdı.
Būdan keiın memleket basşylary baspasöz mäslihatyn ötkızdı. Onda Elbasy İran prezidentı Hasan Ruhanidıŋ elımızge sapary maŋyzdy ekenın aita kelıp, «İran – älemdegı asa ırı jäne maŋyzdy ärıptesımız ärı Kaspii jaǧalauyndaǧy tatu körşımız» dep atap öttı.
Qos taraptyŋ kelıssözderı barysynda qandai mäseleler talqylanǧanyn atap ötken Elbasy kölık-tranzit salasyn damytuǧa basymdyq berılgenın jetkızdı. Osyǧan bailanysty Qazaqstan – Türıkmenstan – İran baǧytyndaǧy temırjol magistralı biylǧy qaraşa aiynda aşylatyny belgılı boldy. Eger osy ırı jol toraby ıske qosylsa, elımızdıŋ bidai eksportynyŋ kölemı 5 ese ūlǧaimaq. Jaŋa magistral 10 million tonna jük tasymaldauǧa mümkındık berıp qana qoimai, Qazaqstannyŋ Parsy şyǧanaǧyndaǧy barlyq memleketke şyǧuyna jol aşady.
İran Prezidentınıŋ Qazaqstanǧa sapary aiasynda bırlesken mälımdemeler qabyldandy. Atap aitqanda, ekı eldıŋ Syrtqy ıster ministrlıkterı arasynda yntymaqtastyq turaly besjyldyq baǧdarlama qūru, jolauşylar men jükterdıŋ halyqaralyq avtomobil tasymaly turaly jäne yntymaqtastyqty damytu jönındegı jol kartasy töŋıregınde kelısımder jasaldy.
Būdan keiın prezidentter Qazaqstan-İran biznes-forumyna qatysyp, «Nazarbaev universitetıne» bardy.
Qymbat TOQTAMŪRAT