Bügın elorda jūrtşylyǧy asyq atu, dombyra-party, alaŋdaǧy karaoke syndy oiyn-sauyqqa belsene qatysyp, şat-şadyman äserge bölendı. Būl ıs-şaralardyŋ barlyǧy Astana qalasy äkımdıgı men Tılderdı damytu basqarmasynyŋ tıkelei mūryndyq boluymen ūiymdastyrylǧan «Köşe meiramy-2016» merekelık baǧdarlamasy aiasynda öttı.
– Täuelsızdıktıŋ 25 jyldyǧy men Astana künıne arnalǧan bügıngı duman jaŋa formatqa ie. Bız būrnaǧy jyldary osy ıs-şaranyŋ şeŋberınde tek Abai köşesın ne Täuelsızdık daŋǧylyn ǧana nasihattaitynbyz. Iаǧni, adamdarǧa älgı köşe turaly mälımetter berıp, broşiuralar tarattyq. Al biylǧy baǧdarlamaǧa sol jaǧalaudaǧy ortalyq köşelerdıŋ tügelın kırgızdık. Mäselen, kez kelgen elordalyq Sauran, Syǧanaq nemese Saraişyq köşelerınıŋ tarihyn bılmeuı mümkın. Sondyqtan mūndai aqparattardy broşiura etıp qūrastyryp, köpşılıkke ülestırdık. Jiyn barysynda köşe ataularyna qatysty tanymdyq oiyndar, kıtap jäne suret körmelerı, balalar saiystary bolady, – dedı Tılderdı damytu basqarmasynyŋ onomastika bölımı basşysy Erjan Eŋsebaev.
Dübırlı toiǧa jinalǧan qauymnyŋ bır bölıgı asyq atudyŋ bır bölıgı dombyra-party jarysynyŋ, endı bır bölıgı karaokenıŋ qyzyǧyna tüsıp ketken. Solardyŋ bırı astanalyq Azat Seidaliev «Köşe meiramynyŋ» berer ülgısı jaily aitty.
– Negızı halyqty osyndai närseler jaqyndastyrady ǧoi. Bala kezımızdı eske alyp, qazır myna asyq atu oiynyna belsene qatysyp jatyrmyz. Zamandastarymyzben arqa-jarqa aralasyp, sergıp qaldyq. Mūnyŋ özı ülken ǧanibet emes pe?! – dep aǧynan jaryldy ol.
Rasynda bulvarda bas qosqan jastyŋ da, kärınıŋ de jüzınen alaŋsyz quanyştyŋ tabyn baiqadyq. Estı än men maǧynaly oiyn-sauyqqa qūmary qanǧan jūrtşylyq üilerıne köterıŋkı köŋıl-küimen tarqasty.
Botagöz MARATQYZY
