Oquşylar saraiynda «Menıŋ tılım – Ūly dala ruhy» festivalı aiasynda «Maǧjan älemı» atty poeziia keşı öttı.
Maǧjan Jūmabaevtyŋ tuǧanyna 125 jyl toluyna arnalǧan keştı Astana qalasy Tılderdı damytu jäne arhiv ısı basqarmasy, «Ruhaniiat» mekemesı ūiymdastyrǧan. Keş barysynda ädebiettanuşy ǧalymdar Maǧjannyŋ ömırı men şyǧarmaşylyǧyna qatysty derekter aityp, beinesiujetter körsetıldı. Aqyndar Maǧjanǧa arnalǧan jyrlaryn oqyp, önerpazdar Maǧjannyŋ än älemınen syr şerttı. Maǧjan esımdı jas örender aqynnyŋ öleŋderın oqydy.
«Maǧjantanudyŋ örısı bügınderı keŋ qanat jaiuda. Būl ürdıs tek qana qazaq topyraǧynda emes, türkı älemınde jürıp jatyr. Tatarstan, Başqūrtstan, basqa da türkı elderınde Maǧjannyŋ jyrlary ūrpaqtyŋ sanasyna sıŋırılude. Maǧjan – türkı bırlıgın, türkı älemınıŋ azattyǧyn jyrlaǧan aqyn. Aqynnyŋ «Türkıstan siklı» öleŋderınde qazaq halqynyŋ bes myŋ jyldyq tarihy qamtylady. Maǧjannyŋ 1918 jyly jazylǧan «Bostandyq» öleŋınde sovettık, ideologiialyq jüie qaida aparatyny aqyndyq ǧajap tüisıkpen boljanǧan. Mysaly, «Jer jüzın qan basqanda,/ Köbıgı şyǧyp aspanǧa, /Jyn joldas bop adamǧa,/ Turalyq, teŋdık ūmytylyp,/ Injıl, Qūran jyrtylyp… Maǧjannyŋ tūlǧasyn tanuǧa qatysty bırsypyra qūndy-qūndy estelıkter jazylǧan. Bırınşısı, «Bes arys» kıtaby. Onda aqynnyŋ közın körgen tūlǧalardyŋ estelıkterı qamtylǧan» degen filologiia ǧylymdarynyŋ doktory Saǧymbai Jūmaǧūlov aqyn turaly söz qaldyrǧan adamdarǧa toqtaldy. Olardyŋ qatarynda Maǧjannyŋ jary Zyliha, aqynnan Qyzyljardaǧy pedagogikalyq tehnikumda därıs tyŋdaǧan äigılı änşı Ermek Serkebaevtyŋ anasy Zyliha, Gülnär Dulatova, Älihan Bökeihannyŋ ınısı Smahan töre, başqūrt aqyny Säifi Qūdaş, Beisenbai Kenjebaev, t.b. bar.
«Maǧjan qazaq poetikasyn, qazaq öleŋın europalyq deŋgeige, älem deŋgeiıne biıkke köterıp kettı. Aqyn poeziiasy ärbır qazaq balasyn ūltyn, elın süiuge, memlekettı süiuge jeteleidı. HH ǧasyrdan HHI ǧasyrǧa jetken Maǧjan mūrasy HHII, HHIII ǧasyrlarǧa da barady» dedı belgılı aqyn, filologiia ǧylymdarynyŋ doktory Amanjol Ältai. Belgılı qalamger, jyrşy, manasşy Baianǧali Älımjanov «Batyr Baian» poemasynan üzındı oryndady.
