MEIIRGER QYZMETINIŊ MEREII

Keşe Elordada «Medisinalyq-sanitariialyq alǧaş­qy kömek körsetude meiırger qyzmetınıŋ rölı» atty respublikalyq ǧylymi-täjıribelık konferensiia öttı.

– Meiırger qyzmetı äleuetı zor, densaulyq saq­tau jüiesınıŋ maŋyzdy qūramdas bölıgı bolyp tabylady, – dedı Qazaqstan Res­pub­li­kasy den­sau­lyq saqtau ministrı S.Qaiyr­bekova özınıŋ qūttyqtau sözınde. Bügıngı taŋda medi­si­nalyq-sanitariialyq kömektı jetıldıru – densaulyq saqtau ısınıŋ negızgı baǧyttarynyŋ bırı. Būl «Salamatty Qazaqstan» memlekettık baǧdarlamasynyŋ ekınşı kezeŋın ıske asyru­dyŋ keşendı şaralary men Almaty dekla­ra­siia­synyŋ negızgı qaǧidattaryna sai öz därejesınde damyp keledı.

Soŋǧy jyldary meiırgerler qyzme­tınıŋ märtebesı artyp, därıgerdıŋ kei­bır ökıldıkterın atqaru osy maman­dar­ǧa jük­te­lıp jür. Densaulyq saqtau jüie­sınde äleumettık qyzmetkerler engı­zılıp, uchaskelık därıgerlerge, jalpy täjıri­be­degı därıgerlerge bekıtıletın meiır­bi­keler sany artyp, olardyŋ qajettılıgı baǧalanuda.
Atalmyş şara barysyn­da Finliandiia, Litva elderı maman­darynyŋ täjıribesı, med­i­sinalyq qauymdastyqtardyŋ osy­ sa­la­ny damytudaǧy baiandamalary tal­qy­landy. Elımızdıŋ 2020 jyl­dar­ǧa deiıngı meiırger ısın damytu tūjy­rym­da­masy talqylanyp, auyldyq jer­ler­degı densaulyq saqtau mamandaryna arnalǧan treningter, şeberlık sabaqtary ūiymdastyryldy.

Aigül UAISOVA