Astana qalasynyŋ äkımı İmanǧali Tasmaǧambetov «Merler beibıtşılık üşın» ūiymynyŋ bas hatşysy Iаsuiosi Komidzomen kezdestı. Jüzdesu barysynda qos memlekettıŋ iadrolyq qarusyz älem qūrudaǧy özara yqpaldastyǧy men ekıjaqty yntymaqtastyqty nyǧaitu mäselelerı talqylandy.
Elorda äkımı aldymen eldı iadrolyq qarusyz älemge ündep, beibıtşılık bastamalaryn ūsyna kelgen Iаsuiosi Komidzo myrzaǧa alǧysyn bıldırdı.
– Qazaqstan öz täuelsızdıgınıŋ alǧaşqy künınen bastap beibıt ömırdı qoldap, Keŋes odaǧy ydyraǧannan keiın quaty jaǧynan älemde törtınşı iadrolyq arsenaldan bas tartqanyn özıŋız jaqsy bılesız. Elımızde 450-den astam iadrolyq jarylys boldy. Mūndai synaqtardyŋ adam aitqysyz auyrtpalyǧyn Japoniia elı de tartty. Būl – ekı eldı bırıktıretın ortaq mäselelerdıŋ bırı, – dedı İmanǧali Nūrǧaliūly.
Qala äkımı «Merler beibıtşılık üşın» düniejüzılık ūiymyna Astana 2012 jyldyŋ tamyz aiynda 110-şy astana retınde tırkelgenın atap öttı. Ūiymnyŋ qūramyna
Astanadan bölek, Qazaqstannyŋ Almaty, Qaraǧandy, Pavlodar, Kurchatov, Semei syndy köptegen qalalary da kırgen.
Öz kezegınde japondyq meiman iadrolyq qauıptı joiu mäselesı özektı ekendıgın, 1945 jylǧy tamyzda Hirosima men Nagasaki qalalaryn jermen-jeksen etken atom bombalarynyŋ zardabyn japon halqy älı de tartyp kele jatqanyn söz ettı.
– Atom bombalarynyŋ adamzat üşın qanşalyqty qauıptı ekenın jer şarynyŋ är tūrǧyny tüsınuı kerek. Jappai qyryp-joiu qarularyn qoldanudan küllı älem bas tartuy tiıs. Sondyqtan bızdıŋ beibıtşılıkke ündegen baǧdarlamamyzdy basqa qalalardyŋ merlerı de qoldasa deimın, – dedı Iаsuiosi Komidzo.
«Merler beibıtşılık üşın» ūiymy 1982 jyly qūrylǧan. Osy jyly Hirosima merı Takeşi Araki älemdık qalalarǧa iadrolyq qarudan tübegeilı bas tartu turaly baǧdarlamasyn jariia etken edı.
Elorda äkımı beibıtşılıkke ündegen qūjatty Astana da qoldaitynyn aityp, ekıjaqty yntymaqtastyq odan ärı dami beretınıne senım bıldırdı.
Qymbat Toqtamūrat
