Elorda äkımdıgınıŋ basymdylyq berılgen mındetterınıŋ bırı – mügedek balalardy asyrap otyrǧan otbasylarǧa kömek körsetu. Mūndai otbasylardy memleket qandai jeŋıldıktermen qamtamasyz etedı jäne olardyŋ ata-analarynyŋ, qamqorşylarynyŋ, asyrauşylarynyŋ qūqyǧy qandai – bügıngı «Kerek keŋes» osy taqyrypqa arnalǧan.
Mügedek balalardy asyrap otyrǧan ata-analarǧa, qamqorşylarǧa, asyrauşylarǧa balany kütu boiynşa järdemaqy belgılenedı. Atalǧan järdemaqy ötınış tüsırılgen künnen bastap belgılenedı. Sondai-aq 2018 jyldyŋ 1 şıldesınen bastap jaŋa järdemaqy türı engızıldı – bala künınen I top mügedekterın asyraǧany üşın järdemaqy.
Jasy boiynşa zeinetaqy
«Zeinetaqymen qamtamasyz etu turaly» QR zaŋyna säikes, mügedek balalardyŋ analary 58 jasqa tolǧanda zeinetkerlıkke şyǧuǧa qūqyly.
Bes jäne odan köp bala tapqan jäne olardy 8 jasqa deiın tärbielep ösırgen analarǧa odan erte jasta, iaǧni 53 jasqa tolǧannan bastap zeinetkerlık taǧaiyndalady.
Būl jaǧdaida olarǧa zeinetaqy taǧaiyndau üşın jeŋıldıkter belgılenedı, oǧan esepteletın:
• jūmys ıstemeitın analardyŋ är bala üş jasqa tolǧanǧa deiın kämeletke tolmaǧan balalardy kütu uaqyty, jalpy alǧanda, 12 jasqa deiın;
• atom synaqtary, ekologiialyq apattar saldarynan nemese immun tapşylyǧy virusyn jūqtyrǧan nemese JİTS-pen auyrǧan mügedek balalardy 16 jasqa deiın baqqan uaqyty;
• I toptaǧy mügedekterdı baqqan uaqyty.
Azamattardyŋ basqa sanattaryna, onyŋ ışınde mügedek balalardyŋ analaryna zeinetaqy jasyn tömendetu qarastyrylmaǧan.
Sauyqtyru
«QR-da mügedekterdı äleumettık qorǧau turaly» zaŋǧa säikes, sauyqtyru äleuetıne sai, ärbır mügedekke medisinalyq, äleumettık jäne käsıbi tūrǧydan sauyqtyrudyŋ jekelegen baǧdarlamasy jasalady.
Sauyqtyrudyŋ jekelegen baǧdarlamasyna säikes, mügedekter jergılıktı biudjet qarjysy arqyly äleumettık qoldaudyŋ qosymşa türlerımen qamtamasyz etıledı (mügedekter arbasymen, protez-ortopediialyq būiymdarmen, tiflotehnikalyq jäne surdotehnikalyq, mındettı gigienalyq qūraldarmen, sanatoriialyq-kurorttyq emmen, jeke kömekşı qyzmetımen, jest tılı mamanymen).
Bılım aludaǧy jeŋıldıkter
I jäne II toptaǧy mügedekter men mügedek balalar üşın orta käsıbi jäne joǧary käsıbi bılım beretın bılım beru mekemelerıne oquǧa tüsu üşın 0,5 paiyz mölşerınde kvota qarastyrylǧan.
Memlekettık tapsyrys nemese grant boiynşa orta käsıbi jäne joǧary käsıbi bılım beretın bılım beru mekemelerınde oqityn mügedekterge şäkırtaqymen qamtamasyz etu boiynşa jeŋıldıkter berıledı.
