QR ŪEM Tabiǧi monopoliialardy retteu komitetınıŋ aqparaty boiynşa, Astanada jylumen jabdyqtau qyzmetterı üşın negızsız esepteu faktılerı anyqtaldy.
Elorda tūrǧyndary Komitetke qaŋtar aiyndaǧy tübırtekterde körsetılgen joǧary jylu tölemderıne şaǧymdanǧan bolatyn. Osyǧan orai bas qalada jylumen jabdyqtau qyzmetın körsetetın «Astanaenergosbyt» JŞS tabiǧi monopoliialar subektısı anyqtama berdı.
«Elorda tūrǧyndarynan kelıp tüsken ötınışterı negızınde QR ŪEM Tabiǧi monopoliialardy retteu komitetınıŋ Astana qalasy boiynşa departamentı «Astanaenergosbyt» JŞS-ge qatysty jospardan tys tekseru jürgızdı, onyŋ qorytyndysy boiynşa aspaptary joq tūtynuşylar üşın jylumen jabdyqtau jönındegı kommunaldyq qyzmetterdı tūtynu normalaryn saqtamau bölıgınde Qazaqstan Respublikasynyŋ Tabiǧi monopoliialar turaly zaŋnamasynyŋ talaptaryn būzu anyqtaldy, būl jyludy negızsız esepteuge äkeldı» dedı vedomstvodan.
«Tabiǧi monopoliialar turaly» zaŋdy būzǧany üşın «Astanaenergosbyt» JŞS äkımşılık qūqyq būzuşylyq jasau nätijesınde alynǧan tabystyŋ (tüsımnıŋ) 10% mölşerınde aiyppūl türınde äkımşılık jaza qoldanylyp, äkımşılık jauapkerşılıkke tartyldy, sondai-aq negızsız alynǧan tabysty qaitaru üşın 209 365 teŋge mölşerınde qaita esepteu turaly nūsqama berıldı.
Komitet jylu energiiasymen jabdyqtau qyzmetı üşın tölemaqy mölşerın aiqyndau esebı osy zaŋnamaǧa säikes tabiǧi monopoliialar salasyndaǧy zaŋnamamen reglamenttelgenın, tabiǧi monopoliia subektısı uäkılettı organ bekıtken tarif boiynşa retteletın qyzmet körsetuge mındettı ekenın tüsındırdı.
«Jylumen jabdyqtau qyzmetınıŋ tüpkılıktı tarifı tūtynuşyda üige ortaq jyludy esepke alu qūralynyŋ boluyna nemese bolmauyna bailanysty esepteledı. Osylaişa, jylu energiiasyn esepke aludyŋ jalpyüilık aspaby bolǧan kezde jylu üşın tölem mölşerı ai saiynǧy körsetkış pen bekıtılgen tarif negızınde aiqyndalady» dedı vedomstvoda.
Köppäterlı tūrǧyn üige ortaq esepke alu aspaby bolmaǧan kezde jylu üşın tölemaqy mölşerı jergılıktı atqaruşy organ bekıtetın tūtynu normasy men esepke alu aspaptary bar tūtynuşylarǧa qaraǧanda 20%-ǧa joǧary tariftı negızge ala otyryp, esepteledı. Komitet tūtynuşy üşın üige ortaq jylu energiiasyn esepke alu aspabynyŋ boluy ünemdeuge mümkındık beretının, öitkenı naqty tūtynylǧan kölem tırkeletının jäne jylu energiiasyn esepke alu aspaptary üşın tarif qoldanylatynyn aitty.
Sonymen qatar, jylu energiiasyn tūtynu kölemınıŋ artuy jäne tölem syrtqy temperaturaǧa tıkelei bailanysty. Jylu energiiasy üşın tölem aua raiyna bailanysty ai saiyn özgeredı, syrtqy temperatura neǧūrlym tömen bolsa, jylu energiiasyn tūtynu kölemı soǧūrlym köp bolady. Mysaly, ötken jyldyŋ qaraşa aiynda ortaşa ailyq temperatura +2,2 gradus, jeltoqsanda -8,9 gradus, al aǧymdaǧy jyldyŋ qaŋtar aiynda temperatura -11,9 gradus boldy.
Elorda tūrǧyndary esepke alu aspaptary men jylytu aqysyn esepteu körsetkışterıne qatysty sūraqtar tuyndaǧan kezde män-jaidy anyqtau üşın «Astanaenergosbyt» JŞS-ne, al qūqyqtar būzylǧan jaǧdaida QR ŪEM Tabiǧi monopoliialardy retteu komitetınıŋ Petrov köşesı, 5-üi mekenjaiy boiynşa departamentıne nemese azamattardyŋ barlyq ötınışterın qabyldau men öŋdeudıŋ bıryŋǧai platformasy arqyly «E-Otinish» portalyna jügıne alady.
