«Nūr Otan» – nūrly bolaşaq jolynda
Keşe Nazarbaev ortalyǧynda «Nūr Otan» halyqtyq-demokratiialyq partiiasy Astana qalalyq filialynyŋ kezekten tys HVIII konferensiiasy öttı. Alqaly jiyndy aşqan «Nūr Otan» HDP Astana qalalyq filialynyŋ töraǧasy, elorda äkımı İmanǧali Tasmaǧambetov kün tärtıbınde qaralatyn mäselelermen tanystyrdy.
Sessiiada qaralǧan alǧaşqy mäsele – «Qazaqstan – 2050» Strategiiasyn jüzege asyrudaǧy «Nūr Otan» HDP-nyŋ jaŋa mındetterı jönınde örbıdı. Būl turaly baiandama jasaǧan «Nūr Otannyŋ» Astana qalalyq filialy töraǧasynyŋ bırınşı orynbasary Sapar Ahmetov elordalyq partiia ūiymynyŋ qysqa merzım aralyǧynda qandai şarualardy eŋsergenın atap öttı.
Bügınde qalalyq filialdyŋ 35 myŋdai müşesı jäne 327 bastauyş partiia ūiymy bar.
Biyl jyl basynan berı filialdyŋ qoǧamdyq qabyldauyna 6 311 tūrǧyn ärtürlı aryz-şaǧymmen kelse, sonyŋ 70 paiyzy qysqa merzım ışınde şeşılgen.
Sapar Qairatūly partiia belsendılerı men bastauyş ūiymdar töraǧalaryn oqytuǧa da basa köŋıl bölınıp jatqanyna toqtaldy. Biyl «Nūr Otan» HDP Ortalyq apparatynyŋ Saiasi menedjment
mektebınde 22 töraǧa arnaiy baǧdarlama boiynşa oqyp şyqqan. Bölımşenıŋ özınde partiia belsendılerıne arnalǧan qoǧamdyq-saiasi jäne qūqyqtyq taqyrypta 9 seminar ötkızgen.
«Elektrondy partiia» jobasy boiynşa partiia müşelerı turaly elektrondy bazany qūru jönındegı şarualardy aiaqtaǧan elordalyq filial endı kadrlyq rezervtı jasaqtau jūmystaryn qolǧa alypty.
Būdan keiın kün tärtıbındegı ekınşı mäsele – partiianyŋ «Nūr Otan, nūrly bolaşaq jolynda!» atty saiasi doktrinasynyŋ jobasy turaly L.Gumilev atyndaǧy Euraziia ūlttyq universitetınıŋ rektory Erlan Sydyqov söz aldy.
El talqylauyna ūsynylǧan doktrinada «Nūr Otannyŋ» HHI ǧasyrdaǧy missiiasy jäne azamat pen memleket özara ıs-qimyldyŋ jaŋa qaǧidattary aitylady. Sondai-aq, būl maŋyzdy qūjatta elımızdıŋ tabysty damuynyŋ jetı faktory atap körsetılgen. Ol: bırlık pen kelısım, töl mädeniet pen ruhaniiat, quatty ekonomika, ädıl äleumettık saiasat, ziiatker ūlt, tiımdı memlekettık basqaru jäne älemdık qoǧamdastyqtaǧy Qazaqstan. «Partiia ärqaşan zaman talabyna sai, bolaşaqqa baiypty baǧdarlama jasai otyryp, qoǧamdaǧy jäne älemdegı zärulıkterge jıtı qarap keledı. Sonyŋ bır aiqyn dälelı – qoǧamdyq talqylauǧa ūsynǧan jaŋa saiasi doktrina. Partiianyŋ aldaǧy on jyldaǧy baǧdarlamasyn aiqyndaityn būl maŋyzdy qūjat Elbasynyŋ «Qazaqstan – 2050» strategiiasyn basşylyqqa ala äzırlengenımen qūndy. Bügınge deiın Qazaqstannyŋ bırde-bır saiasi partiiasy strategiialyq mındetterge sai keletın mūndai ırgelı qūjat ūsynyp körgen emes» dedı Erlan Sydyqov.
Al, «Nūr Otan» HDP töraǧasynyŋ bırınşı orynbasary Bauyrjan Baibek partiianyŋ saiasi doktrinasy respublika öŋırlerınde talqylanyp jatqanyn, jaqynda elımızdıŋ batys öŋırınde jäne Aqmola oblysynyŋ Zerendı audanynda kezdesuler ötkenın aita kele, būl qūjatty talqylau eşqandai da ügıt-nasihat jürgızu emes, aşyq pıkır almasu ekenın, ony daiyndauda halyqtyŋ pıkırı maŋyzdy ekendıgın atap öttı.
Astanalyqtar partiianyŋ saiasi doktrinasy turaly pıkırlerın ortaǧa salǧannan keiın kün tärtıbındegı kezektı mäsele boiynşa «Nūr Otan» HDP kezekten tys HV sessiiasyna delegattar sailandy. 18 qazan künı ötetın alqaly jiynǧa 100 adam sailandy.
Kelesı mäsele boiynşa, «Nūr Otan» partiiasy qalalyq filialynan Astana qalasynyŋ mäslihat deputattyǧyna ümıtker retınde partiianyŋ astanalyq filialy töraǧasynyŋ bırınşı orynbasary Sapar Ahmetovtyŋ kandidaturasy ūsynyldy.
Jiyndy qorytyndylaǧan İmanǧali Tasmaǧambetov qol jetkızgen jetıstıgımız ben jeŋısımız halqymyzdyŋ tolaiym tabysy ekendıgın aita kele, elordanyŋ bügıngı jetıstıkterıne naqty mysaldarmen toqtaldy. Onyŋ aituynşa, qala elordaǧa ainalǧaly tūrǧyndardyŋ sany 5 esege ösıp, 1 milliondyq mejege jetkelı otyr. JIÖ 20 esege artyp, 2 trillion 700 milliard teŋgenı qūraǧan. Astanada jeke käsıppen ainalysatyndardyŋ sany 5 esege köbeigen. Biyl jetı aida industriialandyrudyŋ aumaqtyq kartasy boiynşa elordada 10 joba paidalanuǧa berılıp, 3 myŋ jaŋa jūmys orny aşylǧan. Ortaşa jalaqy 10 esege ösıp, bügınde 152 myŋǧa jetıp otyr. Bas şaharda jyl saiyn 1 million şarşy metrden astam tūrǧyn üi tapsyrylady. Biyl alǧaşqy jartyjyldyqtyŋ özınde 554 myŋ şarşy metr tūrǧyn üi paidalanuǧa berılgen.
– Astana – jastar qalasy. Bügınde elordalyqtardyŋ ortaşa jasy – 30. Sondyqtan, qolǧa alǧan jūmysymyz ben mındetımızdı aldymen jastarǧa beiımdeuımız qajet. Olardyŋ sapaly bılım aluyna jol aşyp, tūraqty jūmys tabuyna, baspanaly bolyp, otbasyn qūruǧa, salauatty ömır saltyn ūstanuyna bar jaǧdaidy jasai bıluımız kerek, – dedı elorda äkımı.
EGIZ LEBIZ
Aqerke JŪMANBAEVA, QR Prezidentı janyndaǧy Memlekettık basqaru akademiiasynyŋ magistranty, qalalyq
«Jas Otan» jastar qanatynyŋ müşesı:
– Qazırgı taŋda jasotandyqtardyŋ qatarynda 16 148 azamat elım, jerım dep jūmys ısteude. Jastar 2012-2013 jyldar aralyǧynda 58 428 adamdy qamtyǧan 199 ıs-şara ötkızdı. Bügıngı kün – erteŋgı bolaşaqtyŋ baǧdary. Bız saiasi doktrinany jastar arasynda keŋınen talqylap, keibır sūraqtar boiynşa ūsynys engızgımız keledı. Elbasymyz jasotandyqtardyŋ aldynda söilegen sözınde: «Jas otan» jastar qanaty eldı jaŋǧyrtu ürdısındegı qazaqstandyq jastardyŋ basty saiasi üilestıruşısı» dep atap ötken bolatyn. Bız osy jauapkerşılıktı sezıne otyryp, doktrinanyŋ «Azamat jäne memleket: özara ıs-qimyldyŋ jaŋa qaǧidattary» atty bölımınıŋ äleuettı ärı belsendı azamattar bırlestıgı dep atalatyn bölımşesıne «keiıngı jas ūrpaq – damudyŋ qozǧauşy küşı» degen bölımşe engızudı qajet dep esepteimız. Qazaqstannyŋ jastary – memlekettıŋ bolaşaǧy. Jastar saiasaty – partiianyŋ aldyna qoiǧan basym baǧyttarynyŋ bırı. Bızdıŋ maqsatymyz – jastardyŋ äleumettık qūqyqtaryn qamtamasyz etu, jalpyūlttyq qūndylyqtar men patriotizmdı qalyptastyru, şyǧarmaşylyq äleuet pen bastamaşylyqty damytu. Bız «Nūr Otandy» qoldauǧa jäne onyŋ qozǧauşy küşıne ainaluǧa daiynbyz.
Altynşaş QABYLDİNA,
№5 qalalyq emhananyŋ bas därıgerı,
bastauyş partiia ūiymynyŋ töraiymy:
– «Nūr Otan » partiiasy – halyqtyŋ jarqyn bolaşaǧy üşın qyzmet etude. Elbasynyŋ «Qazaqstan – 2050» strategiiasynda bılım jäne densaulyq mäselesıne airyqşa maŋyz berılgen. Elımızdıŋ damuy üşın maŋyzdy qūjatty negızge ala otyryp äzırlengen saiasi doktrinada basty qūndylyqtarymyzdyŋ bırı retınde otbasy jäne dästür airyqşa atalypty. Rasymen de öz ana tılın, tarihy men mädenietın, dästürın qūrmetteitın ūlt qana örkendei alady. Al, būlardyŋ negızı aldymen adamnyŋ otbasynda qalyptasady. Iаǧni, jeke tūlǧanyŋ azamat bolyp qalyptasuy, ömırge közqarasy, tärbiesı aldymen otbasynda bastalady. Memleket pen qoǧamǧa degen qarym-qatynasy da osynda bastau alady. Osy oraida, doktrinaǧa bailanysty ūsynysymyz – «Äleuettı ärı belsendı azamattardyŋ bırlestıgı» bölımı «eŋbek adamy – memlekettıŋ basty küşı jäne tıregıne ainalu kerek» degen sözdermen tolyqtyrylǧany jön dep sanaimyz.
Qymbat NŪRǦALİ