Nūrsūltan Nazarbaev Qazaq ūlttyq horeografiia akademiiasynyŋ aşylu räsımıne qatysty
Räsımdı aşqan Nūrsūltan Nazarbaev qazaqstandyqtardy elordada jaŋa joǧary oqu ornynyŋ boi köteruımen qūttyqtady.
Räsımdı aşqan Nūrsūltan Nazarbaev qazaqstandyqtardy elordada jaŋa joǧary oqu ornynyŋ boi köteruımen qūttyqtady.
«Bügın bız Astanada jaŋa öner ordasyn saltanatty türde aşyp otyrmyz. Būl jerde ūlttyq balet pen bi şeberlerınıŋ jaŋa şoǧyry oqyp-tärbielenedı. Mūnda qazaqstandyq salt-dästür damyp, älemdık deŋgeidegı bi önerın damytuǧa jaŋaşa qadamdar jasalatyn bolady. Ūlttyq horeografiia akademiiasy – bızdıŋ elımızde ǧana emes, bükıl Ortalyq Aziia elderındegı osy ülgıdegı alǧaşqy joǧary oqu orny. Onda qazaqstandyqtarmen bırge özge şet elderdıŋ şyǧarmaşyl daryndy jastary oqityn bolady. Elımızdegı būl akademiia uaqyt öte kele bükıl Euraziiadaǧy balet pen bi şeberlerın daiyndaityn jetekşı ortalyqtardyŋ bırı bolatynyna senemın», – dedı Qazaqstan Prezidentı.
Memleket basşysy akademiiadaǧy oqu ısı bi men balet önerınıŋ negızderınen bastap joǧary oqu ornynan keiıngı magistrler men doktoranttardy daiyndauǧa deiıngı bılım beru ürdısınıŋ barlyq deŋgeiın qamtitynyn atap öttı.
«Būl köp deŋgeilı käsıbi horeografiialyq bılım beretın tolyq sikldy akademiianyŋ maŋyzdylyǧy men bıregeilıgın eskere otyryp, oǧan menıŋ jarlyǧymmen «ūlttyq joǧary oqu orny» airyqşa märtebesı berıldı. Sızder osy jaŋa öner ordasynda joǧary halyqaralyq ölşem men bılım berudıŋ otandyq qaitalanbas standartyn qalyptastyruǧa tiıssızder. Sızder Qazaqstannyŋ bi men balet önerınıŋ jaŋa ūlttyq brendın ornyqtyrady dep senemın», – dedı Nūrsūltan Nazarbaev.
Sondai-aq, Qazaqstan Prezidentı oqu ornynyŋ biudjetten tys qarajat közderıne salynǧanyn aityp, säuletşıler men qūrylysşylarǧa atqarǧan jūmystary men şyǧarmaşylyq eŋbekterı üşın alǧys bıldırdı.
Räsım barysynda Nūrsūltan Nazarbaev akademiia rektory A.Asylmūratovaǧa balerinanyŋ şaǧyn müsının tabys ettı.
«Būl müsındı tülekter jyl saiyn bırınşı synyp oquşylaryna tabystaidy, ol balet ärtısterınıŋ käsıbi deŋgeiınıŋ ösuınıŋ jalǧastyǧy men akademiianyŋ dästürler sabaqtastyǧynyŋ simvoly bolady», – dedı Elbasy.
A.Asylmūratova Qazaqstan Prezidentıne bıldırgen senımı men akademiiaǧa jaǧdai jasaǧany üşın alǧys aitty.
«Bız üşın mūnda bılıktılıgı joǧary ärtıster, pedagogtar, önertanuşylar da ǧana emes, sondai-aq elımızdıŋ naǧyz patriottaryn, önerdı qūrmetteitın mädeniettı azamattardy tärbieleu maŋyzdy. Akademiia qazırgı moiyndalǧan mektepterdıŋ qatarynan özınıŋ laiyqty ornyn tabady dep ümıttenemız. Bız sol üşın bar küşımızdı salamyz», – dedı akademiia rektory.
Soŋynda Nūrsūltan Nazarbaev oqytuşylar men studentterge eŋbek pen oquda jetıstıkke, jaŋa şyǧarmaşylyq jūmysta tabysqa jetuıne tılektestık bıldırdı.
Qazaqstan Prezidentı akademiianyŋ Qūrmettı qonaqtar kıtabyna qoltaŋba jäne «Uaqyt kapsulasyna» estelık jazba qaldyrdy. Būdan bölek, Elbasy balet zalyn, jataqhanany, ashana men bırınşı synyp oquşylaryna arnalǧan oqu synyptaryn aralap kördı.
Nūrsūltan Nazarbaev saltanattyŋ qorytyndysy boiynşa ötken BAQ ökılderıne arnalǧan brifing barysynda barşa qazaqstandyqty kele jatqan Bılım künımen qūttyqtap, oquşylarǧa, ata-analar men mūǧalımderge tabys pen myqty densaulyq tıledı.
