Prezidenttık ortalyqta Qazaqstan halqynyŋ bırlıgı künıne arnalǧan körme aşyldy
Qazaqstan Respublikasy Prezidentı Is basqarmasynyŋ Prezidenttık ortalyǧynda Qazaqstan halqynyŋ bırlıgı künıne arnalǧan «Qazaqstan: halyq ündestıgı» uaqytşa taqyryptyq qor körmesı aşyldy, dep habarlaidy astana-akshamy.kz
1995 jyldyŋ 18 qazanynda Qazaqstan Respublikasy Prezidentınıŋ jarlyǧy boiynşa 1 mamyr – Qazaqstan halqynyŋ bırlıgı künı dep jariialandy. Köptegen ūlttyŋ ortaq şaŋyraǧyna ainalǧan Qazaqstan beibıtşılık pen kelısım arqyly älemge ülgı bolatyn daŋǧyl joldy bastap keledı. Qazaqtyŋ baitaq dalasy bügınde 130-dan astam ūlt ökılderıne ortaq otan bolyp tūr. Etnikalyq beibıtşılık pen kelısım saiasaty memlekettıŋ negızgı basymdyqtarynyŋ bırı bolyp sanalady.
Aşylǧan körmenıŋ basty maqsaty – Prezidenttık ortalyqtyŋ muzeilık eksponattary arqyly tūraqtylyqty nyǧaitu, ūltaralyq kelısım, mädenietaralyq dialogtyŋ qazaqstandyq ülgısınıŋ jetıstıkterın körsetu.
Körmede ūsynylǧan bıregei zattar Qazaqstan Respublikasynyŋ türlı etnostarynyŋ tarihi özara qarym-qatynasyn, olardyŋ yntymaqtastyǧy men mädeni qalyptasuyn aşady.
Täjık qabyrǧa kılemı – siuzane, türıkmen ūlttyq papahasy nemese güldermen kestelengen orys halyq ruşnigı sekıldı eksponattar arqyly keluşıler türıkmen, özbek, äzerbaijan, belarus, orys, korei jäne basqa halyqtardyŋ ūlttyq kiım, ydys-aiaq, kılem tarihymen jaqynyraq tanysa alady.
Körmede Prezidenttık ortalyqtyŋ kiımder, kılem jäne kiız, jūmsaq inventar, kädesyilyq būiymdar, ydys-aiaq, beineleu önerınıŋ tuyndylary jäne materialdyq mädeniet zattary toptamalarynan 200-den astam muzeilık qūndylyqtary ūsynylǧan.
