24-25 säuır aralyǧynda Astana qalasynyŋ aumaǧynda “Izdestıru” keŋ auqymdy operasiiasy jürgızılıp jatyr, dep habarlaidy astana-akshamy.kz
Bırınşı künnıŋ qorytyndysy boiynşa elordalyq polisiia qyzmetkerlerı 8 qylmyskerdı anyqtap, ūstady. Onyŋ ışınde 4 qylmysker TMD elderınde ızdeude bolǧan.
Sondai-aq habar-oşarsyz ketken bır adamnyŋ ornalasqan jerı anyqtaldy, tanylmaǧan bır mäiıttıŋ jeke basy anyqtaldy.
TMD elderındegı ärıptestermen oŋ özara ıs-qimyl retınde Resei IIMB qyzmetkerlerınıŋ 2015 jyldan bastap alaiaqtyq jasaǧany üşın halyqaralyq ızdeude jürgen qylmyskerdı Novosibirsk qalasynyŋ aumaǧynda ūstauyn körsetuge bolady. Ūstalǧan adam elordada bolǧan kezde aldyn ala kelısım boiynşa “Kolesa KZ” saitynda AQŞ pen Europadan avtokölıkterdı tömen baǧamen jetkızu turaly habarlandyrudy ornalastyru arqyly azamattardyŋ senımıne kırıp, kelısımnıŋ tiımdılıgıne sendıre otyryp, 40 mln teŋgeden astam somada aqşany iemdengen. Qazırgı uaqytta Minsk Konvensiiasyna säikes qylmystyq ıstı qaita tapsyru turaly mäsele qarastyrylyp jatyr.
