12-17 qyrküiek künderı Aqtöbe qalasynda Qazaqstan drama teatrlarynyŋ HHIV respublikalyq festivalı ötedı. Oǧan Astanadaǧy Q.Quanyşbaev atyndaǧy memlekettık akademiialyq Qazaq muzykalyq drama teatry «Şie» komediiasymen qatysady.
Orystyŋ klassik qalamgerı Anton Chehovtyŋ «Şie baǧy» pesasynyŋ negızınde Iаkutiianyŋ eŋbek sıŋırgen öner qairatkerı, Reseidıŋ «Zolotaia maska» atty bedeldı syilyǧynyŋ iegerı Sergei Potapov sahnalaǧan qoiylymnyŋ premerasy biylǧy säuır aiynda ötken. Sol kezde körermendı rejisserlık şeşım taŋǧaldyrǧan bolatyn. Komediia keiıpkerlerınıŋ attary tügeldei qazaqşalanyp, Ranevskaia – Şie, Gaev – Ǧaiyp, Lopahin – Baltaş, Petia Trofimov – Pätönai bolyp şyǧa kelgen.
Qoiylymnyŋ öne boiynda külkı men köz jasy siiaqty bır-bırıne kereǧar ūǧymdar astasyp, komediia men tragediia elementterı qabysyp jatady. Akterlerdıŋ obrazdardy somdauy arqyly keiıpkerlerdıŋ syrty bütın bolyp körıngenımen, ışı tütın ekenı baiqalady. Spektakl atameken, tuǧan üi qasietın körermenge sezındıre tüsedı.
Bas keiıpker Liubov Ranevskaia beinesın Qalleki teatrynyŋ talantty jas aktrisasy, «Zolotoi Vitiaz 2015» Halyqaralyq teatr festivalınıŋ altyn diplom iegerı Aqmaral Tanabaeva somdaidy. Sondai-aq, qoiylym barysynda teatrdyŋ beldı ärtısterı, Qazaqstannyŋ eŋbek sıŋırgen qairatkerlerı Keŋes Nūrlanov, Quandyq Qystyqbaev, Nürken Öteuılov, «Daryn» memlekettık jastar syilyǧynyŋ iegerı Syrym Qaşqabaev körınedı. Būl akterlerge qosa Aiman Aimaǧambet, Dastan Älımov, Şahmūrat Ordabaev, Aişolpan İbraeva, Altyngül Serkebaeva syndy ärtıster öner körsetedı.
Teatr festivalıne Qalleki teatrymen bırge Soltüstık Qazaqstan oblystyq S.Mūqanov atyndaǧy Qazaq sazdy drama teatry, Atyrau oblystyq Mahambet atyndaǧy qazaq drama teatry, T.Ahtanov atyndaǧy Aqtöbe oblystyq drama teatry, B.Omarovtyŋ Almaty qalalyq «Jas sahna» teatry, M.Äuezov atyndaǧy Qazaq memlekettık akademiialyq drama teatry, N.Jantörin atyndaǧy Maŋǧystau oblystyq muzykalyq drama teatry jäne Respublikalyq nemıs drama teatry qatyspaq.
Al, Q.Quanyşbaev atyndaǧy memlekettık akademiialyq Qazaq muzykalyq drama teatrynyŋ jaŋa mausymdaǧy jūmysy 2 qyrküiekte bastalmaq. Qoiylymdar ädettegıdei seisenbı-jeksenbı künderı aralyǧynda ötedı. Biyl 25 jyldyq mereitoiyn atap ötetın öner ūjymynyŋ jaŋa mausymynyŋ resmi aşyluy qazan aiyna belgılenıp otyr.
