Qazaqstan qauipsizdikti qoldaidy

Bauyrjan BEKJANOV,
«Zerde» tilderdi damytu jönindegi innovasiialyq ortalyqtyŋ direktory:

Aptanyŋ eŋ eleuli oqiǧasy bükil älemniŋ nazaryn özine audarǧan Seul sammiti boldy.
Barşaǧa belgili, qazaq jeri jarty ǧasyr boiy osy alapat qarudyŋ sūmdyǧyn basynan keşirdi.
Jalpy, iadrolyq qaru mäselesi tek Qazaqstan nemese TMD elderi üşin ǧana emes, tūtas älem üşin maŋyzdy. Sondyqtan atalǧan jiyn jahandyq mäseleniŋ jügin köteruimen zor maŋyzǧa ie boldy der edim.
Rasynda, iadrolyq qaru jäne odan qorǧanu mäselesi soŋǧy jyldary ülken problemaǧa ainalyp otyr.
AQŞ-tyŋ būrynǧy vise-prezidenti Uolter Mondeildiŋ «Üşinşi düniejüzilik soǧysta ardagerler bolmaidy» – degen sözinde sūmdyq astar jatyr.
Iаǧni, jaŋa ǧasyrdaǧy älemdik oi-sananyŋ ūşqyr damuynyŋ nätijesinde iadrolyq terrorizm adamzat balasynyŋ aldynda tūrǧan asa iri qater-lerdiŋ biri bolyp otyr. Iаdrolyq qaqtyǧystardyŋ betin aulaq qylsyn. Jappai qyryp-joiu qarularyn paidalanu öz kezeginde adam qūr-bandyqtary men ölşep bolmaityn auqymdaǧy zardaptarǧa äkelip soqtyratyny anyq.
Mine, osy oraida Qazaqstannyŋ 20 jyl būryn Semeidegi synaq poligonyn jauyp, iadrolyq qarudan öz erkimen bas tartuy talai elge ülgi boldy.
Atalmyş sammitte alpauyt Amerika, körşi Resei Qazaqstannyŋ būl batyl qadamyna joǧary baǧa berdi.
AQŞ prezidenti Obamanyŋ Qazaqstan basşysyn «qarudan bas tartu boiynşa halyqaralyq qozǧalystyŋ köşbasşysy» dep atauy da barşa otandastarymyzdyŋ köŋiline maqtanyş sezimin ūialatqany sözsiz.