Būl şaŋyraqtyŋ şyrqy būzylǧan. Jaqyn jandar äldeqaşan jatqa ainalǧan, bır-bırınen jalyqqan. Otbasyndaǧy berekesız tırlıktıŋ künäharyn M.Gorkii atyndaǧy Memlekettık akademiialyq orys drama teatry «Iаzychniki» dramasy arqyly ızdetedı.
Qoiylymǧa negız bolǧan pesa jas ärı talantty avtor Anna Iаblonskaianyŋ soŋǧy tuyndysy edı. 29 jastaǧy jazuşynyŋ atalmyş dramasy «İskusstvo kino» jurnalynyŋ bedeldı premiiasyn ielengende, Anna Odessadan Mäskeudegı marapattau räsımıne jol tartady. Sol kün ony aqtyq saparǧa şyǧaryp salaryn kım bılgen… Domodedovo äuejaiynda terroristık aktıge tap bolyp, qaza bolady. Qaiǧyly ölımnen keiın Iаblonskaianyŋ būl şyǧarmasy keŋge tanyldy. Odessada «Terrorister» degen atpen sahnaǧa şyqty, Resei men Baltyq jaǧalauyndaǧy eksperimentaldy teatrlarda qoiyldy.
Al, Qazaqstanǧa būl spektakldı litvalyq tanymal rejisser Ionas Vaitkus alyp kelgen bolatyn. Rejisser şeşımımen dekorasiia men ıs-qimyl ekınşı planda qalady. Ekı akt boiy akterler oryndyqta tapjylmai otyrady. Onyŋ üstıne, közderı jūmuly. Akterler tek dauyspen oinaidy. Qozǧalyssyz qoiylym söz qūdıretın ūǧyndyrady.
Pesa syrty bütın, ışı tütın bır üidıŋ mysaly arqyly ömırlık sūraqtardy köteredı.
Adamdar bırın-bırı estımeidı. Äke-şeşenıŋ uaiymy – materialdyq jaǧdai. Tūrmystyq problemalardan ärı aspaityn ata-ana qyzynyŋ jan düniesın tüsınuden qalǧan. Kezınde oquda ozat bolǧan qyzyn bügın universitetten şyǧaryp jıberdı. Äkesı – bos jürgen muzykant. Anasy – ekı jūmystyŋ ortasynda sabylyp jür. Oilamaǧan jerden üige enesı qonaqtap keledı. Oǧan eşkım mäz emes. Ūly da, kelını de, tıptı, nemeresı de jaqtyrmaidy.
Bıraq, kütpegen oqiǧa örıledı. Kristina özıne-özı qol jūmsaidy. Üi-ışı dūǧa jasap, qūdaidan kömek sūraidy. Bıraq bır mezette pūtqa tabynuşylardan qalǧan tūmar – maskany häl üstındegı qyzdyŋ betıne kigızıp, ony ölım auzynan aman alyp qalady.
Kım kömektestı? Jaratuşy ma? Siqyrşylardyŋ tylsym küşı me? Belgısız. Pesada sūraq köp. Al, jauapty ärkım özınşe paiymdaidy.
Mädina JAQYP
