Qyzmetşıler tärtıbı tarazylandy
Ötken aptada QR Memlekettık qyzmet ısterı agenttıgınıŋ Astana qalasyndaǧy Tärtıptık keŋesınıŋ köşpelı mäjılısı öttı. Tärtıptık keŋes töraǧasy Erlan Äbennıŋ basşylyǧymen ötken jiynda «Sybailas jemqorlyqqa qarsy küres turaly», «Memlekettık qyzmet turaly» zaŋdardyŋ oryndaluy jäne memlekettık qyzmetşılerdıŋ Ar-namys kodeksınıŋ saqtaluy boiynşa atqarylǧan jūmystardyŋ esebı tyŋdaldy.
Tärtıptık keŋestıŋ būl köşpelı mäjılısı Almaty audany äkımdıgınde öttı. Aldymen tärtıptık keŋes hatşylyǧynyŋ bölım jetekşısı Niiaz Ismaǧambetov ötken keŋestıŋ besınşı mäjılısınde qabyldanǧan şeşımderdıŋ oryndaluy turaly aqparat berdı.
Tiımdı memlekettık basqaru jüiesın qalyptastyru – bügıngı künde memlekettık saiasatty jüzege asyrudyŋ basty şarttarynyŋ bırı. Astana qalasy Almaty audanynyŋ äkımı Sapar Ahmetov osy mäsele boiynşa özı basqaratyn apparat jūmysynyŋ negızgı körsetkışterıne toqtaldy.
–Bügınde memlekettık qyzmetşılerdı oqytu oŋtaily jürgızılıp keledı. Apparatta qyryq bır qyzmetkerdıŋ bılımı joǧary. Käsıbi bılıktılıgın arttyru üşın josparǧa säikes soŋǧy üş jyldyŋ ışınde eluden asa qyzmetker bılımın jetıldırdı. Sonymen qatar äkımdıkte attestasiialyq, konkurstyq jäne tärtıptık komissiia jüielı jūmys atqarady. 2009 jyldan berı qyryq tört qyzmetker synaqtan ötkızılse, otyz jetı memlekettık qyzmetker tärtıptık jauapkerşılıkke tartyldy. Tärtıptık komissiia tek jauapkerşılıkke tartyp qana qoimaidy, öz kezegınde 100 baldyq jüie boiynşa apparat qyzmetkerlerınıŋ körsetkışın tört jylda bır baǧalaidy, degen Sapar Ahmetov odan ärı qyzmetkerlerdıŋ qūramyn tügendep berdı.
Audan äkımdıgıne jyl basyna berı 127 azamat habarlasqan. Qala äkımdıgınıŋ saityna kelıp tüsken 455 saualǧa jauap berılgen. Soŋǧy bes aidyŋ ışınde tūrǧyndardan 1008 şaǧym tüsse, mäselege bailanysty tiıstı jauaptar uaqytyly berılıp otyrǧan. Audan basşysynyŋ aituynşa, äkımdık aldaǧy uaqytta da būl baǧytta bırqatar nätijelı jūmys atqaruǧa daiyn.
Jiynda josparly tekserıs boiynşa bırqatar basşylar esep berdı. Astana qalasy boiynşa Qarjylyq baqylau inspeksiiasy, Tılderdı damytu basqarmasy, Astana jäne Aqmola oblysy boiynşa bailanys jäne aqparattandyru inspeksiiasynyŋ basşylary memlekettık organdarda ötkızılgen tekseru jūmystary turaly mälımet berdı.
Kün tärtıbınde qaralǧan mäselenıŋ bırı – lauazymdy tūlǧalarǧa qatysty tärtıptık ıster. Astana qalasy boiynşa Salyq departamentı Esıl audany boiynşa Salyq basqarmasynyŋ segız qyzmetkerınıŋ tärtıptık ısterı qaraldy. Sondai-aq, Almaty audany boiynşa Salyq basqarmasynyŋ kameralyq baqylau bölımınıŋ jetekşı mamany A.Toikenov, Astana qalasy Sot aktılerın oryndau departamentınıŋ sot oryndauşylary E.Mahidov pen Y.Jänıbekov, «Äuejai-Astana» keden beketınıŋ bas mamany D.Mäjitovtıŋ tärtıptık ısterı keŋes müşelerıne keŋınen tanystyryldy.
Jiyn soŋynda basqa da tärtıptık ıster boiynşa jäne Tärtıptık keŋeske tüsken ūsynular men qaita qaralu nätijelerı turaly Tärtıptık keŋes hatşylyǧynyŋ bölım meŋgeruşısı Niiaz Ismaǧambetov baiandap berdı.
Gülmira AIMAǦANBET