«Sergek» foto-beinetırkeu jäne beinebaqylau jüiesınıŋ arqasynda memlekettık biudjetke jalpy somasy 1 mlrd 270 mln teŋge kölemınde qarjy tüsıptı.
Nätijesınde jol-kölık oqiǧalary 16 paiyzǧa, odan jaralanatyndar sany 22 paiyzǧa, apat saldarynan bolatyn ölım 54 paiyzǧa tömendegen. Esterıŋızge salsaq, Astanada «foto-beinetırkeu jäne beinebaqylau apparattyq-baǧdarlamalyq keşendı qūru jäne paidalanu» jobasy byltyr qalalyq äkımdık pen «Astana Innovations» AQ jäne «Körkem Telekom» JŞS arasynda memlekettık-jekemenşık ärıptestık aiasynda jüzege asqan bolatyn. Aita ketu kerek, būl – elımız boiynşa memlekettık-jekemenşık ärıptestık aiasynda aqparattyq tehnologiia men qauıpsızdık baǧytynda jasalǧan alǧaşqy kelısımşart. Sondai-aq «Sergek» – Nazarbaev Universitetınıŋ ǧalymdarynyŋ qatysuymen jasalǧan otandyq jüie. Onyŋ negızınde maşinalyq oqytu jelılerınıŋ neirondy tehnologiiasy qoldanylǧan. Joba aiasynda 13 myŋ kamera qoiu jäne integrasiialau közdelse, onyŋ 6 myŋy qala köşelerınıŋ 400 qiylysy men 300 jelılık uchaskesıne, 4 myŋy adamdar köp jinalatyn oryndarǧa, sauda, oiyn-sauyq jäne biznes ortalyqtarynda ornatylyp, 3 myŋy syrtqy kamerany integrasiialauǧa belgılengen.
