Elordada qalany sanitarlyq tazalauǧa, abattandyruǧa jäne kögaldandyruǧa baǧyttalǧan «Taza Qazaqstan. Astana – tazalyq pen tärtıptıŋ ülgısı» atty ekologiia senbılıgıne 115 myŋnan asa adam qatysty. Tazalyq jūmysyna qala tūrǧyndary, eŋbek ūjymdary, memlekettık organdardyŋ qyzmetkerlerı, şaǧyn jäne orta biznes subektılerı, erıktıler, oquşylar men studentter şyqty.
Ekoaksiia aiasynda qalany sanitarlyq tazartu, nöser jäne aryq kärız jelılerı, köşeler, trotuarlar, kvartalışılık aumaqtar, qoǧamdyq keŋıstıkter men aulalardy tazalau jürgızıldı. Sondai-aq jasyl jelekterdı kütıp-baptau jäne otyrǧyzu boiynşa mausymdyq agrotehnikalyq jūmystar, sauda nysandaryna ırgeles aumaqtardy jinau, kögaldar men gülzarlardy tazartu boiynşa ıs-şaralar, rūqsat etılmegen poligondardy joiu syndy ıs-şaralar keşenı öttı. Poligonǧa 1000 tonnadan astam qoqys jinalyp, şyǧaryldy, aialdama pavilondaryn, baǧdarşam nysandaryn, jerasty jäne jerüstı ötkelderın juu jäne jöndeu jürgızıldı, 4600 şaqyrymnan astam aryq jelısı tazartyldy. Ekologiia aksiiasy kezınde bes audannyŋ ärqaisysynda aǧaştar men būtalar otyrǧyzyldy.
Tazalyq pen tärtıptı qamtamasyz etuge belsendı üles qosuǧa är tūrǧyn bılek sybana kırıstı. Sondai-aq auqymdy ekoaksiiadan qala käsıpkerlerı de şet qalmady. Käsıpkerlık nysandardyŋ 5 myŋnan astam ökılı – käsıporyndar, şaǧyn jäne orta biznes subektılerı, sauda ortalyqtary, salondar, kafeler, dükender, basqa da jeke kompaniialar men ūiymdar öz nysanyna ırgeles aumaqtardy qoqystan tazartuǧa üles qosty.
«Ǧaşyqtar» saiabaǧyn tazartuǧa qalalyq Dene şynyqtyru jäne sport basqarmasynyŋ 100-den astam sportşysy men qyzmetkerı qatysty. Basqarma basşysy Vasilii Levit mūndai ekologiia ıs-şaralary sportşylardyŋ nazarynan tys qalmaitynyn atady.
«Senbılık – komandalyq ruhty köterudıŋ jäne kez kelgen ūjymdaǧy psihologiiany jaqsartudyŋ tamaşa täsılı. Senbılıkke elımızge belgılı sportşylar, onyŋ ışınde älem chempiony – elordalyq auyr atlet Edıge Emberdı, sondai-aq Astana qūramasynyŋ djiu-djitsudan sportşylary, naqtyraq aitqanda, Aziia oiyndarynyŋ altyn jüldegerı Nūrjan Batyrbekov qatysty» dedı V.Levit.
Zeinetkerler de qalanyŋ tazalyǧyna öz ülesın qosyp, demalys aimaǧyn qoqystan tazartty. Belsendı ūzaq ömır süru ortalyǧynyŋ zeinetkerlerı «Baitaq» jasyl partiiasymen bırlesıp, Respublika daŋǧyly men Mäskeu köşelerınıŋ qiylysynda ornalasqan A.Puşkin atyndaǧy alaŋdy tazalady. Bas-aiaǧy 20 zeinetker özderıne tapsyrylǧan aumaqty tazalap, ainalany bezendıruge atsalysty.
«Nūra audanynyŋ «Kümıs volonterlerı» ūjymynyŋ belsendı atalary men äjelerı senbılıkke şyqty. Bız özımızge berılgen aumaqty tazarttyq. Astana tūrǧyny bolǧandyqtan, qalamyzdy öte jaqsy köremız, onyŋ tazalyǧyna öz ülesımızdı qosuǧa tyrysamyz» dedı volonterler ūjymynyŋ jetekşısı Läzzat Öteǧūlova.
Būǧan deiın äkımdık qalanyŋ üş jerınde «Orel men reşka» baǧdarlamasy formatynda demeuşılerden ärqaisysy 50 myŋ teŋge kölemınde aqşalai syilyqtar jasyrylǧanyn habarlaǧan bolatyn. Atalmyş senbılıkte 3 astanalyq aqşalai syilyqqa ie boldy. Solardyŋ bırı – elordalyq Gülnär Sūltanqūlova ortalyq saiabaqta jasyrylǧan aqşa qoraptarynyŋ bırın tauyp, quanyşymen bölıstı.
«Būl senbılık erekşe boldy, özım qatty quandym. Menıŋ 4 nemerem bar. Būl syilyqty nemerelerıme körsetıp, olarǧa tättıler satyp alamyn. Jyl saiyn senbılıkke şyǧamyz, qalamyzdyŋ ädemı, taza bolǧanyn qalaimyz» dedı jeŋımpaz.
Ekınşı jeŋımpaz – «Jasyl el» kompaniiasynyŋ qyzmetkerı Quanyşbek Jūmataev jüldesın Botanikalyq baqtan tapsa, üşınşı jeŋımpaz atyn atamaudy jön körıp, jaqsy köŋıl küi syilap, ekologiia aksiiasyn ūiymdastyrǧandarǧa alǧysyn bıldırdı.
