Keşe elımızdegı mektepterde jalpyrespublikalyq ata-analar jinalysy alǧaş ret onlain rejimde öttı. Jiyn barysynda synyp jetekşılerı oquşylardyŋ ata-analaryna qazırgı epidemiologiialyq jaǧdaida mekteptıŋ qandai oqytu formatyn taŋdaǧanyn tüsındırdı.
Elımız boiynşa jaŋa oqu jyly qaşyqtan bılım beru formatynda bastalatyny belgılı. Alaida ata-analardyŋ tılekterı men ötınışterı boiynşa bastauyş synyp oquşylary mektepke baryp «kezekşı synypta» oqi alady. Jalpy, onlain oquǧa oquşylar daiyn ba, qūral-jabdyqtar, äsırese, kompiuterler, internet barlyq oquşyǧa qoljetımdı bola ma? Jaŋa oqu jylyna daiyndyq barysynda osyndai özektı mäseleler qalai şeşımın tauyp jatyr?
«Kezekşı synypqa» qabyldau 25 tamyzda bastalady
Jaŋa oqu jylynda mektepke baratyn oquşylar men mūǧalımderdıŋ dene qyzuy kün saiyn ölşenetın bolady. Kezekşı synypta sozylmaly aurulary joq balalar ǧana bılım ala alady (ötınışte körsetıledı). Bır synypta oquşy sany 15-ten aspaityn bolady. Ötınışterdı synyp jetekşılerı qoljetımdı bailanys qūraldary arqyly qabyldaidy. «Kezekşı synypqa» qabyldau 25 tamyzda bastalady. Būdan bölek, sanitarlyq-epidemiologiialyq jaǧdaiy qolaily auyldyq eldı mekenderde oqu prosesı sanitarlyq qauıpsızdık şaralaryn saqtai otyryp, dästürlı formatta jürgızıletın bolady.
Ata-analar balalardy mektepke alyp kelıp, üiıne özı alyp ketuı kerek. Kezekşı synyptarda sabaqtyŋ ūzaqtyǧy 40 minutty qūraityn bolady. Sabaqtar arasyndaǧy üzılıster är synypqa ärtürlı uaqytta berıledı. Ärbır ekınşı sabaqtan keiın kabinetterde jäne är üzılısten keiın, auysymdar arasynda, dälızderde, holdarda ylǧaldy tazartu jūmystary jürgızıledı. Mektep ashanasy men bufettıŋ qyzmetı uaqytşa toqtatyldy.
Bılım beru ūiymdary zararsyzdandyruǧa arnalǧan qūraldarmen, aiaq kiımdı zararsyzdandyruǧa arnalǧan kılemşelermen, sanitaizerlermen qamtamasyz etıledı. Mektep formasyna qoiylatyn talaptar joiylmaidy, bıraq tiıstı būiryqqa uaqytşa özgerıster engızıledı. Ata-analar jaŋa oqu jylynda, iaǧni 1 qyrküiekten bastap 25 mamyrǧa deiın balasyn mektepke mektep formasymen nemese basqa yŋǧaily kiımmen jıberuge qatysty şeşımdı özı qabyldaidy. Şaǧyn jinaqty mektepterde oqityn oquşylardyŋ ata-analaryna da sanitarlyq şaralardy saqtau qajettılıgı turaly aityldy.
Sondai-aq balalary qaşyqtan oqityn ata-analar üşın bılım beru platformalarynyŋ mümkındıkterı körsetıldı. Aita keteiık, Bılım jäne ǧylym ministrlıgı qandai da bır bılım beru internet-platformasyn taŋdauǧa qatysty şeşım qabyldamaidy. Ärbır mektep qaşyqtan oqytudy ūiymdastyruǧa negız bolatyn internet-platformany özı taŋdaidy.
Telearna negızgı «taqtaǧa» ainalady
Ötken oqu jylynyŋ törtınşı toqsanyndaǧydai, düisenbıden jūmaǧa deiın «Balapan» jäne «El-Arna» respublikalyq telearnalarynda qosymşa bılım beru resursy retınde paidalanu üşın telesabaqtar körsetıletın bolady. Sonymen qatar karantindık jäne şekteu şaralary jaǧdaiynda 1-11 (12) synyptarda oqu jetıstıkterın baǧalau jüiesıne qatysty uaqytşa özgerıster engızıldı. Jaŋa oqu jylynda toqsan saiyn bölım üşın 1 jiyntyq jūmys jäne toqsan üşın 1 jiyntyq jūmys jürgızıledı. Toqsandyq baǧalau kündelıktı baǧalau, BJB jäne TJB körsetkışterı negızınde şyǧarylmaq.
