Keşe qalalyq mäslihattyŋ mäjılıs zalynda zaŋdylyq, qūqyq tärtıbı jäne qoǧammen jūmys jasau mäselelerı jönındegı tūraqty komissiianyŋ otyrysy öttı. Komissiia töraǧasy Nikolai Meşeriakovtyŋ basşylyǧymen ötken jiynda Astana qalasynda qūqyqbūzuşylyqtyŋ aldyn alu boiynşa 2011-2013 jyldarǧa arnalǧan öŋırlık baǧdarlamanyŋ oryndaluy talqylandy.
Atalmyş baǧdarlamanyŋ qorytyndysy turaly Astana qalasy äkımı apparatynyŋ memlekettık-qūqyq bölımınıŋ meŋgeruşısı Däulet Dosqūlov baiandama jasap, osy uaqyt aralyǧynda atqarylǧan şarualarmen tanystyrdy. Mäselen, elordalyq jastar arasynda ışımdık pen esırtkıge qarsy aldyn aludy nasihattaityn bes myŋǧa juyq ıs-şara ötken. «Astana – esırtkısız qala», «Qauıpsız aula», «Uchastok», «Tüngı qalanyŋ balalary», «Bız qauıpsız joldy qalaimyz!» jäne taǧy basqa aksiialar tūraqty ötkızılıp, BAQ betterınde jariialanǧan.
Astana qalasy IID bastyǧynyŋ orynbasary Batyrlan Esenbaev öŋırlık baǧdarlamanyŋ maqsatty türde oryndalǧanyn aityp, naqty derektermen bölıstı.
Jiyn soŋynda qaladaǧy qylmystyq ahual, beinebaqylau kameralarynyŋ tiımdılıgı men qoǧamdyq tärtıp mäselelerı jönınde qoiylǧan saualdarǧa jauap berıldı.
Gülmira ŞARHANQYZY
