Ötken senbıde Kongress-Hollda äleumettık sala mäselelerı boiynşa Işkı saiasat, Bılım, Mädeniet, Turizm, dene şynyqtyru jäne sport, Densaulyq saqtau basqarmalarynyŋ jauapty qyzmetkerlerı bırlesıp aşyq esık künın ötkızdı. Halyq pen memlekettık qyzmetkerlerdıŋ beiresmi kezdesuınde qalalyqtar kökeiınde jürgen köptegen sūraqtaryna jauap aldy.
– Jalpymemlekettık qyzmet körsetude äleumettık salanyŋ maŋyzy öte zor. Qalyŋ būqaraǧa tıkelei qatysty densaulyq, bılım beru, mädeniet, sport sektorlarynyŋ qamtu aumaǧy öte auqymdy. Jyl saiyn jaŋa zaŋdyq negızdemeler paida bolyp, halyqtyŋ äl-auqatyn arttyruǧa arnalǧan baǧdarlamalar jüzege asyryluda. Olardyŋ män-maŋyzyn aityp, tūrǧyndardy aqparattandyru qajet ekenı tüsınıktı. Jalpy halyq belsendılıgınıŋ bır körınısın qala äkımı saityna kelıp tüsken hattardan da bıluge bolady. Ondaǧy ötınış- tılekterdıŋ basym bölıgı äleumettık mäseleler bolyp keledı. Bügıngı halyqtyŋ tılek-nazyn tyŋdauǧa arnalǧan Aşyq esık künı halyqqa qūqyqtyq aqparat berumen maŋyzy erekşe bolmaq. Būl şara dästürlı türde jalǧasyn tabady, – dedı Işkı saiasat basqarmasynyŋ bastyǧy Bolat Tılepov.
Halyqtyŋ äl-auqatyn arttyruǧa baǧyttalǧan qandai baǧdarlamalar bar, tūrǧyndardyŋ tūrmys- tırşılıgın jeŋıldetıp, talapqa sai ömır süru saltyn qalyptastyratyn nendei şaralar qarastyrylǧan, jeke tūlǧanyŋ äleumettık qūqyqtary qalai saqtalady? Eŋbek qatynastary qalai tüzılude? Būl köpşılıktıŋ Astana qalasynyŋ Jūmyspen qamtu jäne äleumettık baǧdarlamalar basqarmasynyŋ bastyǧy Alma Altybaevaǧa qoiǧan sūraqtarynyŋ şiregı ǧana. Basqarma bastyǧy jūmyspen qamtu, az qamtylǧan azamattarǧa memlekettık järdem beru tärtıbı jönınde tüsındırme jūmystaryn jürgızdı. Alma Quandyqqyzynyŋ qoly qalt etkende osy jönınde tıldesken edık.
– Bızdıŋ basqarmanyŋ jūmysy bır ızge salynyp, qyzmet sapasyn bırşama arttyrdyq deuge bolady. Azamattardy jūmyspen qamtuda qoldan kelgen kömegımızdı jasap jatyrmyz. Būǧan qatysty aqparattar qoljetımdı, halyqtyŋ qaperınde jür dese bolǧandai. Bızge kelgen azamattardyŋ tılegı men mümkındıgıne qarai türlı jūmys ornyn ūsynyp qana qoimai, qalaǧa qat käsıptı meŋgerıp ketuıne de bar jaǧdai jasaimyz, – dedı.
Taǧy aitarymyz, mümkındıgı şekteulı azamattar men az qamtylǧan otbasylarǧa memleket tarapynan körsetıletın kömekter turaly bılgısı kelgen qalalyqtar köp boldy. Olar özderıne qajettı aqparatty äkımdıktıŋ barlyq jauapty qyzmetkerlerımen tıkelei tıldesu arqyly bılu mümkındıgıne ie boldy.
Ädettegıdei därıger kabinetınde emes, igılıktı şara aiasynda halyqpen kezdesken Densaulyq saqtau basqarmasynyŋ qyzmetkerlerı de jūrtşylyqpen tıldesudıŋ özgeşe türın tapty. Ol turaly Densaulyq saqtau basqarmasy bastyǧynyŋ orynbasary Gülnar Tölegenova äŋgımelep berdı: «Bügıngı maqsatymyz aldymyzǧa kelgen adamnyŋ auruyn anyqtau emes, auyrmaudyŋ jolyn ızdeu şaralaryn jetkızude bolyp otyr. Mälımetter boiynşa astanalyqtar as qorytu, jürek-qan tamyrlary jäne jüike aurularyna jiı şaldyǧady eken. Onyŋ basty sebebı azamattardyŋ öz densaulyǧyna nemqūraily qarauynda jatyr. Dūrys tamaqtanbaudyŋ, köp qozǧalmaudyŋ saldary osyndai nätije beredı. Aurudyŋ aldyn alǧan jaqsy. Densaulyq saqtau basqarmasynyŋ ūiymdastyru jūmystaryna qatysty şaǧymdaryn tyŋdap qoimai, densaulyq saqtaudyŋ joldaryn da halyqqa jetkızudı jön sanap otyrmyz».
Ärine, qalalyqtardyŋ, äsırese balalar men jasöspırımderdıŋ sportpen şynyǧyp ösuıne bar jaǧdai jasalǧan. Osy baǧytta köptegen sport mekemelerı jūmys ısteidı. Turizm, dene şynyqtyru jäne sport basqarmasy ūiymdastyrǧan ıs- şaralardyŋ nätijesın köpşılıgımız körıp-bılıp te jürmız. Aituly şaraǧa №6 Balalar men jasöspırımderdıŋ arnaiy olimpiadalyq rezerv sport mektebı men «Alau» mūzaidyny saraiy qyzmetkerlerı kelıptı. Mekeme basşylary sport seksiialaryna qatysuǧa tılek bıldıruşılerdı tırkep, qajettı aqparattarmen tanystyrdy.
Halyqty ruhani baiytuǧa at- salysyp jürgen kıtaphanalarǧa, belgılı öner ūjymdaryna, olardyŋ konserttık baǧdarlamalaryna qatysty sūraqtarǧa Mädeniet basqarmasynyŋ qyzmetkerlerı jauap berdı.
Jaŋa oqu jyly bastalǧan şaqta ata-analardyŋ Bılım basqarmasyna ötınış-tılekterı köp bolatyny anyq. Säbilerdı balabaqşaǧa ornalastyru boiynşa mäseleler de jetkılıktı. Halyqpen kezdesude basqarma basşylyǧy balalardy mektepke deiıngı mekemelerge kezekke tırkeuden bastap, alty jasqa tolǧan balalardy mektepke daiyndau, balabaqşada tärbielenıp jatqan balalar üşın tölemaqynyŋ mölşerı, taǧy basqa sūraqtarǧa egjei-tegjeilı jauap berdı.
Qaşanda memlekettık qyzmetkerlerge äleumettıŋ saualy köp bolady. Tūrmys barysyndaǧy tüitkıldı mäselelerdıŋ oŋtaily şeşımı osyndai Aşyq esık künı siiaqty beiresmi kezdesude şeşılıp otyrsa, eşkımnıŋ ūtylmaityny haq.
