Yqpaldastyqtyŋ kemel keleşegı

Memleket basşysy Qasym-Jomart Toqaev Qazaqstanǧa resmi saparmen kelgen Qyrǧyzstan Prezidentı Sadyr Japarovty elorda äuejaiynda qarsy aldy. Sapar aiasynda keşe Aqordada joǧary deŋgeide ekıjaqty kelıssözder jürgızılıp, bırqatar maŋyzdy qūjatqa qol qoiyldy. Kelıssöz barysynda taraptar saiasi, kölık-tranzittık, energetikalyq salalardaǧy özara yqpaldastyqty nyǧaitu mäselelerın talqylady. Sondai-aq öŋırlık jäne halyqaralyq kün tärtıbın qarastyrdy. Qasym-Jomart Toqaev pen Sadyr Japarov Qazaqstan men Qyrǧyzstannyŋ Joǧary memleketaralyq keŋesınıŋ otyrysyna qatysty.

Mädeniet qairatkerlerı marapattaldy

Beisenbı künı Qasym-­Jomart Toqaev pen Sadyr Japarov ekı el önerpazdarynyŋ gala-konsertın tamaşalady. Beibıtşılık jäne kelısım sara­iynda ötken şarada Qazaqstan men Qyrǧyzstannyŋ tanymal mädeniet qairatkerlerı öner körsettı. Būdan bölek, konsertte «Astana opera» memlekettık opera jäne balet teatrynyŋ ärtısterı, «Gülder», «Astana sazy», «Arkasyry» (Qyrǧyz­stan) ansamblderı siiaqty şyǧarmaşylyq ūjymdar körermenderge keremet köŋıl küi syilady. Baǧdarlama aiasynda «Manas» eposynan üzındı oqylyp, qos halyqqa keŋ taraǧan änder men küiler oryndaldy. Sondai-aq bırneşe horeografiialyq kompozisiia ūsynyldy. Sonymen qatar konserttı Qyrǧyzstannyŋ resmi delegasiiasy müşelerı men ziialy qauym ökılderı tamaşalady.

Qazaqstannyŋ mädeniet qairatkerlerı Qyrǧyzstannyŋ memlekettık nagradalarymen marapattaldy. «Qyrǧyz Res­publikasynyŋ Halyq ärtısı» qūrmettı ataǧy kompozitor Altynbek Qorazbaev pen änşı Roza Rymbaevaǧa; «Danaker» ordenı mädeniettanuşy Mūrat Äuezov pen aqyn Mūhtar Şahanovqa; «Dostuk» ordenı ädebiet­tanuşy, jurnalist Sauytbek Äbdırahmanov, türkıtanuşy ǧalym Myrzatai Joldasbekov, äl-Farabi atyndaǧy Qazaq ūlttyq universitetınıŋ basqarma töraǧasy Janseit Tüimebaevqa; «Daŋq» ordenı Halyqaralyq türkı mädenietı men mūrasy qorynyŋ prezidentı Aqtoty Raiymqūlovaǧa; «Daŋq» medalı «Taŋ-Şolpan» körkem-ädebi jurnaly redaktorlar keŋesınıŋ töraǧasy Didar Qūlkenovke berıldı.

Şaǧyn qūramda kelıssöz jürgızdı

«Aqorda» rezidensiiasynda Qazaqstanǧa resmi saparmen kelgen Qyrǧyzstan Prezidentı Sadyr Japarovty saltanatty türde qarsy alu räsımı öttı. Qasym-Jomart Toqaev pen Sadyr Japarov bır-bırıne resmi delegasiia müşelerın tanystyrdy. Qūrmet qarauylynyŋ bastyǧy memleketter basşylaryna raport berıp, ekı eldıŋ änūrandary şyr­qaldy. Saltanatty räsımnen keiın prezidentter kelıssöz zalyna bardy. Sodan keiın prezidentter şaǧyn qūramda kelıssöz jürgızdı. Memleket basşysy Qyr­ǧyzstan Prezidentı saparynyŋ ekı tarap üşın de män-maŋyzy airyqşa ekenın atap öttı.

«Bügın bız Odaqtastyq qatynastardy nyǧaitu jäne keŋeitu turaly tarihi kelısımge qol qoiamyz. Osy maŋyzdy qūjat qazaq-qyrǧyz bailanystarynyŋ damuyna tyŋ serpın beretınıne senımdımın. El auzynda «Qyrǧyz ben qazaqtai bır-bırıne jaqyn halyq joq» degen söz bar. Būl – dūrys aitylǧan tūjyrym» dedı Qasym-­Jomart Toqaev.

Memleket basşysy Qazaqstannyŋ būryn-soŋdy bolmaǧan su tasqynymen küresıp jatqanyn atap ötıp, osyndai qiyn-qystau kezde gumanitarlyq kömek körsetkenı üşın Qyrǧyzstan Prezidentıne jäne barşa qyrǧyz halqyna alǧys aitty.

Qasym-Jomart Toqaev qazaq-qyrǧyz qatynastarynyŋ qarqyndy damyp kele jatqanyna nazar audardy. Prezidenttıŋ pıkırınşe, būǧan belsendı saiasi dialog, ükımetaralyq jäne parlamentaralyq tyǧyz bailanystar erekşe serpın berıp otyr.

«Ekıjaqty sauda-ekonomikalyq yntymaqtastyq jyldan-jylǧa nyǧaiyp keledı. Byltyr özara tauar ainalymy 1,5 milliard dollarǧa jettı, iaǧni 26 paiyzǧa östı. Aldaǧy maqsatymyz – alys-berıs kölemın 2 milliard dollarǧa jetkızu. Sonymen qatar osy baǧytta bolaşaǧy zor bırqatar joba qolǧa alyndy. Jalpy, sauda-­ekonomikalyq saladaǧy uaǧdalastyqtar oryndalyp jatyr» dedı Memleket basşysy.

Kelıssöz barysynda mädeni-­gumanitarlyq bailanystarǧa da nazar audaryldy.
«Özara mädeniet künderın ötkızu igı dästürge ainaldy. Jastar arasyndaǧy yqpaldastyq küşeidı. Bılım beru salasynda täjıribe almasyp jatyrmyz. Bügın özıŋızben bırge Astanada äigılı Manasqa eskertkış aşamyz. Osynyŋ bärı qazaq-qyrǧyz qarym-qatynasy joǧary deŋgeide ekenın körsetedı. Bız ony jaŋa beleske köteruge müddelımız» dedı Memleket basşysy.

Qasym-Jomart Toqaev ekı memleket arasyndaǧy dästürlı dostyq pen tatu körşılık qatynastardy nyǧaituǧa Qyrǧyzstan Prezidentınıŋ qosqan ülesın joǧary baǧalaitynyn jetkızdı. Öz kezegınde Sadyr Japarov qyrǧyz delegasiiasyna qonaqjailyq tanytqany üşın Qazaqstan tarapyna rizaşylyǧyn bıldırdı.

«Qazaqstan – bızdıŋ eŋ jaqyn körşımız. Syrtqy saiasatymyzda erekşe artyqşylyqtarǧa ie bolǧan bauyrlas memleket ärı negızgı sauda serıktesterımızdıŋ bırı. Ekı el arasynda eşqandai saiasi, aimaqtyq qaişylyq joq. Memleket basşysy lauazymyna kelgelı berı qyrǧyz-qazaq qarym-qatynasy bolsyn, halyqaralyq qūrylymdarda bolsyn, maǧan qoldau körsetıp kelesız. Bız bauyrlas qazaq halqyna su tasqyny saldarynan tuyndaǧan qiyn kezde qoldan kelgen kömektı beruge daiynbyz. Ekı eldı ǧasyrlar boiy jalǧasyp kele jatqan dostyq, bauyrlastyq, tatu körşılık bailanystar, sondai-aq ortaq mädeni, ruhani jäne dıni qūndylyqtar bırıktıredı. Özara yntymaq­tastyǧymyz ben strategiialyq serıktestıgımızdıŋ odan ärı nyǧaia beretınıne senımdımın» dedı Sadyr Japarov. Būdan bölek, kelıssöz barysynda taraptar saiasi, kölık-tranzittık, energetikalyq salalardaǧy özara yqpaldastyqty nyǧaitu mäselelerın talqylady. Sondai-aq öŋırlık jäne halyqaralyq kün tärtıbın qarastyrdy.

Strategiialyq serıktestıktıŋ serpını

Ekı el basşylarynyŋ töraǧalyǧymen Qazaqstan men Qyrǧyzstannyŋ Joǧary memleketaralyq keŋesınıŋ altynşy otyrysy öttı. Memleket basşysy qazaq-qyrǧyz qatynastary strategiialyq serıktestık ruhynda damyp kele jatqanyn atap öttı.

«Bız odaqtastyq bailanys­ty nyǧaitudy qolǧa aldyq. Bügın bız tarihi kelısımge qol qoiamyz. Osy maŋyzdy qūjat qazaq-qyrǧyz qatynastarynyŋ damuyna tyŋ serpın beretınıne eşqandai kümän joq. Sondyqtan bız būl kelısımge ülken ümıt artyp otyrmyz. Oǧan bızdıŋ mümkındıgımız de, ynta-jıgerımız de jetkılıktı. Joǧary memleketaralyq keŋestıŋ otyrysy yntymaq­tastyq aiasyn keŋeituge jol aşady dep sanaimyz» dedı Qasym-Jomart Toqaev Prezident bügıngı otyrys barysynda ekı el yntymaq­tastyǧynyŋ özektı mäselelerı talqylanatynyn aitty.

«Uaqyt synaǧynan ötken yqpaldastyǧymyzdyŋ bolaşa­ǧy zor ekenıne kämıl senemın. Būl baǧytta bır kısıdei küş jūmyldyruymyz qajet. Osy oraida Joǧary memleketaralyq keŋestıŋ jūmysy qazaq-qyrǧyz qarym-qatynastaryn damytuǧa erekşe serpın beretınıne senımdımın» dedı Memleket basşysy.
Öz kezegınde Qyrǧyzstan Prezidentı san aluan baǧyt boiynşa serıktestıktı odan ärı nyǧaitu maŋyzdy ekenın jetkızdı.

«Bügıngı şara qyrǧyz-qazaq qatynastaryn odan ärı nyǧaituǧa yqpal etedı dep oilaimyn. Kelıssözderdıŋ dästürlı odaqtastyq jäne strategiia­lyq bailanys ruhynda ötıp jatqany quantady. Qyrǧyz­stan Qazaqstanmen ekıjaqty bailanystardy tereŋdetuge baǧyttalǧan syrtqy saiasat jürgızıp otyr. Bır-bırımızdı qoldap, keleşektı oilap, barlyq mäselenı bırlesıp şeşken dūrys dep sanaimyn. Qyrǧyzstannyŋ atqaruşy bilık organdary ekı el arasyndaǧy Joǧary memleketaralyq keŋestıŋ şeşımderın ıske asyru üşın tiıstı şaralardy jüzege asyryp jatyr. Bügıngı kezdesulerımız ekı eldıŋ özara yntyqmaqtastyǧyna tyŋ serpın beretınıne senımdımın» dedı Sadyr Japarov.
Prezidentter bügıngı talqylaulardyŋ tabysty bolǧanyn, ekıjaqty yqpaldastyqtyŋ basymdyqtary men aldaǧy mındetterı aiqyndalǧanyn atap öttı. Qasym-Jomart Toqaev pen Sadyr Japarov Qazaqstan men Qyrǧyzstan arasyndaǧy qatynastardy mülde jaŋa deŋgeige köteruge özara niettı ekenın aitty. Sonymen qatar jiyn barysynda sauda-ekonomikalyq, kölık-logistikalyq, su-energetikalyq jäne mädeni-­gumanitarlyq salalardaǧy yntymaqtastyq mäselelerı qarastyryldy.

Jiynda Qazaqstan Premer-­ministrınıŋ orynbasary Serık Jūmanǧarin, Qyrǧyzstan Ministrler kabinetı töraǧasynyŋ bırınşı orynbasary Adylbek Kasymaliev, Qazaqstannyŋ Kölık ministrı Marat Qarabaev, Qyrǧyzstannyŋ Ūlttyq qauıpsızdık jönındegı memlekettık komitetı töraǧasynyŋ bırınşı orynbasary – Şekara qyzmetınıŋ direktory Ularbek Şarşeev, Qazaqstannyŋ Energetika ministrı Almasadam Sätqaliev, Su resurstary jäne irrigasiia ministrı Nūrjan Nūrjıgıtov, Qyrǧyzstannyŋ Energetika ministrlıgınıŋ bırınşı orynbasary Nazgül Usenova, Qyrǧyzstannyŋ Su resurstary, auyl şaruaşylyǧy jäne öŋdeuşı önerkäsıp mi­nistrınıŋ orynbasary Almazbek Sokeev, Qazaqstannyŋ Mädeniet jäne aqparat ministrı Aida Balaeva, Qyrǧyzstannyŋ Mädeniet, aqparat, sport jäne jastar saiasaty ministrı Altynbek Maksutov söz söiledı.

I därejelı «Dostyq» ordenımen marapattady

Memleket basşysy Qyrǧyz Respublikasynyŋ Prezidentı Sadyr Japarovqa I därejelı «Dostyq» ordenın tabys ettı. Saltanatty räsım barysynda Qasym-Jomart Toqaev Sadyr Japarovtyŋ ekıjaqty qarym-qatynastardy damytuǧa jäne nyǧaituǧa zor üles qosyp otyrǧanyn atap öttı.
«Qyrǧyzstan – bızdıŋ ejelden enşısı bır, tamyrlas ­tuysymyz. Eŋ jaqyn ärı senımdı strategiialyq serıktesımız. Qos halyqtyŋ bauyrlastyǧy – ­özara tiımdı qarym-qatynas­tyŋ altyn arqauy. Būl ıske Sız zor üles qosyp kelesız. Men ony joǧary baǧalaimyn» dedı Prezident.

Memleket basşysynyŋ aituynşa, Qazaqstan Qyrǧyz elımen strategiialyq ärıptestık pen odaqtastyqqa negızdelgen yntymaqtastyqty nyǧaituǧa müddelı. Bız bolaşaqqa bırge qadam basamyz. Mäŋgılık dostyǧymyz ben myzǧymas bauyrlastyǧymyz jalǧasa beredı.

«Sız halyqtarymyz arasyndaǧy özara tiımdı bailanys­tardy nyǧaituǧa zor eŋbek sıŋırdıŋız. Men osyny eskere otyryp, Sızdı I därejelı «Dos­tyq» ordenımen marapattau turaly şeşım qabyldadym. Būl – erekşe qūrmet pen şynaiy rizaşylyqtyŋ belgısı. Osy marapat ekı eldıŋ qarym-qatynasyn odan ärı damytuǧa yqpal eterıne senımım mol. Qazaqstan men Qyrǧyzstannyŋ dostyǧy mäŋgı jalǧasa bersın!» dedı Memleket basşysy. Sadyr Japarov Qasym-­Jomart Toqaevqa şyn jürekten alǧys aityp, ekı el arasyndaǧy strategiialyq serıktestık pen odaqtastyqty odan ärı nyǧaitu üşın bar küş-jıgerın saluǧa daiyn ekenın mälımdedı.