JAŊA JYLǦA SYI JASAǦAN JÄRMEŊKE
Ötken senbı-jeksenbı künderı Astana äkımdıgınıŋ janyndaǧy Ortalyq alaŋǧa tıgılgen 126 şatyrda Şyǧys Qazaqstan oblysynyŋ ekı qalasy men on alty audanynan jetkızılgen, jiyntyǧy 115 tonnaǧa juyq auyl şaruaşylyǧy önımderı satyldy.
Astanalyqtar Jaŋa jyl aldynda naryqtaǧy baǧadan 20 paiyzǧa arzan et pen süt, makaron önımderın, jarma türlerın, sondai-aq, şyǧys öŋırınıŋ brendı – bal men panta satyp aluǧa mümkındık aldy.
Jalpy, oblys diqandaryna biyl tabysty jyl boldy. Olar soŋǧy 10 jyl ışınde bolmaǧan rekordtyq önımdı ysyrapsyz jinap aldy. Ortaşa eseppen är gektardan 18,3 sentnerden önım alǧan şyǧysqazaqstandyqtar million tonnadan artyq astyq daqyldaryn qambaǧa qūidy. Sonymen bırge künbaǧys, bau-baqşa önımderın de mol boldy.
– Jyldyŋ soŋynda eldıŋ bır aimaǧy Astanaǧa keremet tartu jasap jatyr. Özderıŋız bılesızder, el aimaqtary keruen tartyp, küzde Astanaǧa keletını bar. Būl – jaqsy dästürge ainalǧan edı. Endı Jaŋa jyldyŋ qarsaŋynda eŋ ırı aimaqtarymyzdyŋ bırı – Şyǧys Qazaqstan özınıŋ bırınşıden – mädeni künderın, ekınşıden – osyndai järmeŋkesın ötkızude. Şyǧys Qazaqstan biyl Astanada ekınşı ret ädemı järmeŋke ūiymdastyrdy, sondyqtan olardyŋ Astanaǧa degen jyly ıltipaty üşın rahmetımdı aitqym keledı, – dedı Astana qalasynyŋ äkımı İmanǧali Tasmaǧambetov.
Şyǧys Qazaqstan oblysynyŋ äkımı Berdıbek Saparbaev öz kezegınde: «Ūltymyzdyŋ, memleketımızdıŋ damuy Astanaǧa bailanysty. Sondyqtan ärbır öŋır Astana üşın jūmys jasauy kerek. Jaŋa jyl aldynda boranǧa, aiazǧa qaramai kelgendegı maqsatymyz – Astana halqyna arzan azyq-tülık önımderın satyp, köŋılderın köteru» dedı.
Şyǧysqazaqstandyqtar osy joly qatonqaraǧai audanyndaǧy maral şaruaşylyǧymen ainalysatyn «aqsu-den» zauytynyŋ önımderın äkelıptı. Zauyt direktorynyŋ orynbasary altyn rahymbaevany sözge tartqanymyzda ol: «şyǧys qazaqstanda būrynnan kele jatqan «aqsu» jäne «maraldy» atalatyn ekı maral şaruaşylyǧy bar. Bızdıŋ zauyt oŋtüstık koreialyq jabdyqtarmen jūmys ısteidı. Sonda maraldyŋ müiızı men qanynan biologiialyq zattekterdı jasap şyǧaramyz. Şveisariiadan – sertifikat, fransiia men reseiden altyn medal alyp, «qazaqstannyŋ üzdık tauary» ataǧyn ielengenbız. Panta – halqymyzǧa öte kerek. Sebebı, köbınıŋ densaulyǧy naşarlap kettı. Al, bızdıŋ önım midyŋ, asqazannyŋ jūmysyn jaqsartady, şarşap, qajyǧan adamǧa küş-quat beredı» degen edı.