Ä. JAQSYBEKOV, Astana qalasynyŋ äkımı: ŪOS ARDAGERLERINIŊ ÄLEUMETTIK JAǦDAIYN JAQSARTUǦA BAILANYSTY BARLYQ ŞARALAR QABYLDANADY
Keşe Astana äkımı Ädılbek Jaqsybekov qalalyq Ardagerler keŋesınıŋ aktivımen kezdestı.
Bügınde elordada 235 Ūly Otan soǧysy ardagerı tūrady. Sonymen bırge, qalada maidangerlerge teŋestırılgen 1992 adam men 4 myŋdai tyl eŋbekkerı bar.
Qazırgı künı otan üşın ot keşken qart sarbazdardyŋ barlyǧy baspanamen qamtylǧan, kommunaldyq tölemder men özge de qyzmetterde jeŋıldıkterdı paidalanady. Olarǧa medisinalyq kömek, tegın därı-därmek, üi-jaiyn jöndep beru siiaqty türlı äleumettık qoldaular da qarastyrylǧan.
Osy jönınde aitqan qalalyq ardagerler keŋesınıŋ töraǧasy Amangeldı Syzdyqov qariialardyŋ äleumettık mäselelerıne qatysty mäselelerdıŋ şeşımı äkımdık tarapynan eşqaşan keşıktırılmeitının aityp, alǧysyn jetkızdı.
«Özderıŋızben ötken kezdesu bız üşın asa maŋyzdy. Bız öz jūmysymy
zda ardagerler ūiymyna arqa süieimız, barşa tūrǧyndardy mazalaityn özektı mäselelerdı şeşude sızder – senımdı ärı belsendı serıktessızder» degen qala äkımı Ädılbek Jaqsybekov şaǧyn oblys ortalyǧynan körkem şaharǧa ainalǧan Astanany uaqyt talabyna sai örkendetu jolynda älı de köp eŋbek etu kerektıgın aitty.
«Qazır «EKSPO-2017» halyqaralyq körmesıne qyzu daiyndyq üstındemız. Qūrylys alaŋdarynda damylsyz jūmys jürıp jatyr. Odan bölek, qalanyŋ barlyq infraqūrylymdaryn jaŋa kezeŋge sai qaita jaŋǧyrtyp, qyzmet körsetu, kommunaldyq şaruaşylyq siiaqty tırşılık közınıŋ tıregı sanalatyn maŋyzdy salalardyŋ jūmysyn jaqsartuymyz kerek. Kelesı jyly Qazaqstan halqy assambleiasy men Konstitusiiamyzdyŋ 20 jyldyǧyn, Ūly Jeŋıstıŋ 70 jyldyǧyn el bolyp atap ötemız. Elordada ötetın kez kelgen şara qala imidjıne yqpal etetındıkten, olardy joǧary deŋgeide ūiymdastyru şart. Būl – ärqaisymyz üşın şyŋdalu synaǧy» dedı.
Kezdesuge kelgen aqsaqaldar aǧynan jarylyp, aǧa buyn ökılderı igı bastamalardyŋ qoldauşysy, halqymyzdyŋ tılekşısı ekenderın tanytty. Sonymen qatar, osy öŋırdıŋ damuyna eŋbegın sıŋırgen azamattardyŋ esımderı ardaqtalyp, olardyŋ qala tarihynda laiyqty oryn aluyna qatysty şaralardy ūiymdastyru turaly ūsynys ortaǧa tastaldy.
Kezdesu soŋynda toqsannyŋ törıne şyqqan maidanger qariia Qadan Bekenov el aǧalaryna batasyn berdı.
Aigül UAISOVA