JÄRDEMAQY ALU JEŊILDEDI
Bala tuǧanda berıletın bırjolǧy järdemaqy men bır jasqa tolǧanǧa deiıngı bala kütımıne bailanysty berıletın tölemderdı resımdeu jeŋıldedı. Endı būl järdemaqylardy elektrondy ükımet portaly arqyly bır ǧana ötınış berıp, aluǧa bolady.
«Azamattarǧa arnalǧan» memlekettık korporasiiasynyŋ filialy – ZTMO direktorynyŋ orynbasary Serıkhan Sabyrjanovtyŋ aituynşa, ata-ananyŋ elektrondyq sifrlyq qoltaŋbasy bolǧan jaǧdaida, «Connection point» qyzmetı arqyly üide otyryp-aq ötınış beruge bolady. Ol ötınış järdemaqy taǧaiyndau turaly şeşım qabyldaityn Zeinetaqy töleu jönındegı ortalyqqa avtomatty türde jıberıledı. Būryn būl qyzmettı alu üşın azamattar atalmyş järdemaqylardy taǧaiyndauǧa qatysatyn barlyq memlekettık organdarǧa özı baruy qajet bolatyn.
Aitpaqşy, bır jasqa deiıngı bala kütımıne bailanysty äleumettık tölemderdı öz betınşe esepteuge de bolady. Ai saiynǧy tölem kölemı soŋǧy 24 aidaǧy ortaşa ailyq kırıstı 0,4 – kırıstı almastyru koeffisientıne köbeitu arqyly anyqtalady. Mysaly, soŋǧy ekı jyldaǧy ortaşa ailyq tabysyŋyz 60 myŋ teŋgenı qūrasa, onda ai saiynǧy tölem kölemı 24 myŋ teŋgenı qūraidy. Al jūmyssyz analarǧa tölenetın ai saiynǧy äleumettık tölem mölşerı bırınşı bala üşın 5,76 AEK, ekınşı bala üşın 6,81 AEK, üşınşı bala üşın 7,85 AEK jäne törtınşı bala üşın 8,90 AEK-tı qūraidy. 2016 jyly bırjolǧy järdemaqy kölemı bırınşı, ekınşı jäne üşınşı balalar üşın 31,41 AEK jäne törtınşı bala üşın 52,35 AEK-tı qūraidy.
Jyl basynan berı memlekettık korporasiia arqyly 116 myŋ anaǧa bala tuuyna berıletın järdemaqy jäne bala kütımıne bailanysty äleumettık tölemaqy taǧaiyndalǧan.