Beibıtşılık jäne kelısım saraiynda qalalyq «Jaŋa beles-2014» atty studentter qataryna qabyldau räsımı öttı.
Halyqaralyq studentter künıne orailastyrylǧan atalmyş şara Jastar saiasaty mäselelerı basqarmasynyŋ bastamasymen osymen ekınşı ret ūiymdastyrylyp otyr. Oǧan Astanadaǧy 14 joǧary oqu orny men 35 kolledjdıŋ eŋ belsendı jastary şaqyryldy. Olar – ŪBT-dan joǧary ūpai jinaǧandar, rektor grantyna ie bolǧandar jäne halyqaralyq bılım, sport, öner saiystarynda jeŋıske jetken 1-kurs studentterı.
«Studenttık bilet – mektepten şyqqan jas tülektıŋ jaŋa belesı. Osy beleske şyqqan adam eŋ kerek bılımdı sanasyna toqidy, tūlǧalyq qasietterın qalyptastyrady. Jas daryndardyŋ boiyndaǧy şyǧarmaşylyq qabıletterdı jetıldıru maqsatymen bügıngı merekelık konsertte biylǧy «Jastar jalyny» festivalınıŋ üzdıkterı de öner körsetedı» dedı Jastar saiasatyn qoldau memlekettık qorynyŋ direktory Baqytjan Jünısbekov.
Ekı myŋǧa juyq student jinalǧan osy keşte «Bäiterek», «Melomen» jäne «Format» toby, Marjan Arapbaeva, Qairat Baekenov, Serık İbragimov, aǧaiyndy Jügınısovter syndy bırqatar estrada jūldyzdary än şyrqap, jastarǧa studenttık bilet pen estelık retınde jasalǧan statuetkalardy tabystady.
Mädina JAQYP
