«Jol ber – ömırıŋdı saqta!» taqyrybymen ötken reid barysynda jedel järdem kölıgı qala köşelerın dabyl belgısımen jürıp öttı. Artynda kele jatqan jedel järdem kölıgın baiqamaǧan, dabylyn estımegen jürgızuşıler kezdespedı.
Atalǧan aksiia respublikalyq deŋgeide ötkızılıp jatyr. Jedel järdem kölıgı şaqyrylǧan jerge 15 minutta jetuı kerek. Bıraq kölık keptelısı men jürgızuşılerdıŋ jol bermeuı kesırınen alǧaşqy kömek körsetuşıler jarty saǧatqa deiın keşıgedı. Jedel järdem kölıgın tızgındegen jürgızuşıler bolsa, jol erejesın būzyp, qarsy betpen jüretın kezder jiı bolady deidı. Osy oraida «Adaldyq alaŋy» jobasy aiasynda jobalyq keŋse, polisiia departamentı, medisina qyzmetkerlerı qala köşelerıne därıgerlerge jol bermeitın jürgızuşılerdı anyqtau maqsatynda reidke şyqty. Aksiianyŋ negızgı maqsaty – adam ömırıne araşa tüsuge asyqqan aq halattylardyŋ jolyn kes-kestep, kedergı jasaityn kölık ielerın jauapkerşılıkke tartu.
