Qazaqstanda jaŋa elektoraldyq kezeŋ bastaldy. Referendumnan keiın eldıŋ bırqatar sarapşylary konstitusiialyq reformanyŋ barysy prezidenttık jäne parlamenttık sailau ötkızu qajettılıgın bıldıredı degen edı. Sarapşylar referendum nätijelerın bekıtu maqsatynda prezidenttık, parlamenttık jäne mäslihattyq mandattardy jaŋartu maŋyzdy ekenın atap öttı. Sondyqtan sarapşylar qoǧamdastyǧy üşın de, saiasi toptar üşın de sailau boljamdy qadam boldy.
Sailau saiasi prosess retınde bırqatar maŋyzdy funksiiany atqarady.
Bırınşıden, sailau bilık organdaryn qalyptastyrudyŋ demokratiialyq täsılı retınde saiasi rejim men senımdı zaŋdastyrudyŋ qūraly ǧana emes. Sonymen qatar azamattardyŋ saiasi belsendılık tanytuynyŋ, olardyŋ sūranystaryn, müddelerın, qoǧamdyq şoǧyrlanuyn, bilıktıŋ azamattarmen kerı bailanysyn qamtamasyz etudıŋ jäne saiasi mädeniettı qalyptastyru men damytudyŋ, saiasi ömırge qatysu daǧdylaryn igerudıŋ maŋyzdy qūraly bolyp tabylady.
Ekınşıden, sailau – azamattardy tolǧandyratyn sūraqtar men mäselelerdı şeşudıŋ jaŋa maqsattary men baǧdarlamalaryn ūsynudyŋ, jalpy äleumettık-ekonomikalyq, saiasi baǧytty tüzetudıŋ täsılı. Sondyqtan aldaǧy sailau halyqty bırıktıruge baǧyttalǧan. Jalpy älemdık trendterdı nazarǧa alatyn bolsaq, azamattarǧa aldaǧy joldyŋ baǧdary men naqty josparlardy aiqyn tüsınu qajet. Sailau konstitusiialyq reformalardyŋ jetıstıkterın bekıtıp qana qoimai, basqa salalardaǧy reformalardy jalǧastyru men küşeitu üşın qajettı uaqyt pen senım mandatyn beredı. Bırınşı kezekte äleumettık jäne ekonomikalyq salalarda.
Jalpy sailau qoǧamdyq ömırge belgılı bır sikldık sipat berıp, jürıp ötken joldy qorytyndylap, bolaşaqqa nazar audaruǧa mümkındık jasaidy.
Alua JOLDYBALİNA,
Qazaqstan strategiialyq zertteuler instituty
direktorynyŋ orynbasary
