Nūr-Sūltan qalasy mäslihatynyŋ kezekten tys sessiiasynda Qazaqstan elordasyn Astana dep qaita atau mäselesı qaralyp, bekıtıldı. Qala äkımınıŋ orynbasary Eset Baikennıŋ qatysuymen ötken jiynda negızgı baiandamany şahardyŋ Tılderdı damytu jäne arhiv ısı basqarmasynyŋ basşysy Säken Esırkep jasady.
– Elımızdıŋ astanasyn, Nūr-Sūltan qalasynyŋ atyn özgertu mäselesı – soŋǧy üş-tört jyldyŋ kölemınde jiı köterılgen mäselelerdıŋ bırı. Mūny äleumettık jelılerden, internettegı ärtürlı platformalardan, baspasöz betterınen, tıptı offlain formatta bolyp jatqan ärtürlı kezdesulerden özderıŋız de estıp, körıp, bılıp jürsızder, – dedı Säken Esırkep.
Onyŋ aituynşa, osy jyldyŋ basynan berı qalalyq Tılderdı damytu jäne arhiv ısı basqarmasyna jäne qalalyq onomastika komissiiasyna Nūr-Sūltan qalasyn Astana qalasy dep qaita atau turaly resmi türde 17 ūsynys kelıp tüsken. Sonymen qatar Parlament Mäjılısındegı «Jaŋa Qazaqstan» atalatyn arnaiy deputattyq top elordanyŋ būrynǧy atauyn qaitaru jönınde ündeu jasady. Osy ūsynystar eskerılıp, 14 qyrküiek künı ötken Nūr-Sūltan qalasynyŋ onomastika komissiiasynda mäsele talqylanyp, maqūldandy. Bügın ötken qalalyq mäslihattyŋ qoǧamdyq tyŋdaularynda da būl ūsynys qoldau tapty.
Qalalyq mäslihattaǧy Amanat partiiasy fraksiiasynyŋ jetekşısı Azamat Aithojin «Astana» atauy brendke ainalǧanyn atap öttı.
– Men – Astana qalasynyŋ tumasymyn. Halyqpen kezdesulerde öz basym da, özderıŋız de qala atauy qaitadan Astana bolsyn degen ūsynystardy estıp jürsızder. Özım jiyrma jyldan astam sport salasynda jūmys ısteimın. Qazır bızdı törtkül älem Astana dep tanidy. «Astana» velokluby, «Astana» futbol kluby, «Astana» basketbol kluby bügınderı bükıl eldıŋ auzynda. Menıŋşe, astanamyz qaitadan Astana atauyn ielenuge laiyq, – dedı Azamat Aithojin.
«Aq jol» Qazaqstan demokratiialyq partiiasynan qalalyq mäslihatqa sailanǧan Asqar Smaǧūlov astana atauyn auystyru älemdık praktikada bar ekenın aita kele, ūsynysty qoldady. Qazaqstan halyq partiiasynyŋ qalalyq mäslihattaǧy ökılı Nūrdäulet Orazhanov ta qoldaitynyn jetkızdı. Qalalyq mäslihattyŋ deputaty Vladislav Sergeev būl tarihi kün ekenın aitty.
Sessiiasy tüiındegen qalalyq mäslihat hatşysy Erlan Kanalimov osy jiynnyŋ aldynda ötken qoǧamdyq tyŋdaularǧa Feisbuk arqyly qatysqan azamattardyŋ barlyq pıkırlerı eskerılgenın jetkızdı.
Endı būl ūsynys Ükımet janyndaǧy respublikalyq onomastikalyq komissiiaǧa joldanady.
