Astana qalasynyŋ Qoǧamdyq densaulyq saqtau basqarmasy ökılderı men medisinalyq ūiymdar basşylary arnaiy jiynda Memleket basşysynyŋ halyqqa Joldauyn talqylady.
Jiyn qatysuşylary el damuy jolynda atqarylatyn jūmystar men Joldauda aitylǧan mındetter boiynşa oilaryn ortaǧa saldy jäne Memleket basşysynyŋ bastamalaryn qoldaitynyn bıldırdı.
– Memleket quattylyǧynyŋ bır körınısı – joǧary sapaly medisina. Joldauda adamdar elımızdıŋ basty qūndylyǧy ekenın, ūlt saulyǧy jaqsy bolsa ǧana qoǧam ornyqty damityndyǧy aitylǧan. Densaulyq saqtau salasy boiynşa aitylǧan mäseleler qaşan da özektı. Prezident densaulyq saqtau jüiesın tūraqty vaksinalauǧa daiyndau qajettıgın atap öttı. Koronaviruspen bailanysty emes aurulardyŋ beleŋ aluyn boldyrmau kerek. Pandemiia jaǧdaiynda josparly skriningter men operasiialar keiınge qaldyrylady. Köptegen balalar standartty vaksinany almaidy. Mūndai jaǧdaiǧa jol bermeu qajet. Ädılettı memleket, berekelı qoǧam qūruda elordalyq därıgerler belsendılık tanytyp, jaŋa ūsynystardyŋ jüzege asyryluyna ūiytqy bolmaq, – dedı basqarma basşysy Timur Mūratov şara barysynda. Basqarma basşysy sonymen qatar medisinalyq sanitarlyq alǧaşqy kömek beru ūiymdarynda jürgızılıp jatqan ekpe alu jūmystary men kün tärtıbındegı maŋyzdy mäselelerge toqtaldy.
