«Түрлі түсті мозаика»
Қазақстан Республикасының Тұңғыш Президенті мұражайында балалар шығармашылығының «Түрлі түсті мозаика» байқау-фестивалі өтті. Байқау-фестивальдің көркемдік бөліміне 6 мен 9 жас аралығындағы 10-ға тарта бала қатысты. Балалар түрлі аталымдар бойынша жүлделі орындарды сарапқа салды.
«Жұлдызай – 2013»
Астанадағы Бейбітшілік және келісім сарайында VIII Республикалық «Жұлдызай – 2013» атты мүмкіндігі шектеулі балалардың шығармашылық фестивалінің гала-концерті болды. Салтанатты шара барысында биылғы фестивальдің жеңімпаздары марапатталды.
«Қазақстан барысы»
Қазақ күресінің «Қазақстан барысы» республикалық турнирі Астана күні мерекесі аясында өткізілетін болады. Биылғы жылы спортсүйер қауымды қуанту үшін республиканың барлық жерінен 32 палуан бәсекеге түседі.
Кеше…
Қазіргі заманғы өнер мұражайында «Өнер әлемі» атты сату көрмесі ашылды.
Бүгін…
Л.Гумилев атындағы Еуразия ұлттық университеті мен Шәкен Айманов атындағы «Қазақфильм» АҚ-ның ұйымдастыруымен «Замандас келбеті» атты деректі фильмдер апталығы басталады.
Ертең…
Беларусь Республикасының Қазақстан Республикасындағы «Беларусь ЭКСПО-2013» ұлттық көрмесі өтеді.
Сансөйлем…
Биыл балабақшаларда 4276 орын босады. Балабақшаларға қабылдау 2013 жылдың 3 маусымынан басталды. Жинақтау орны: №61 орта мектеп (Қарталы көшесі). Жұмыс уақыты: күн сайын, 10-00-ден – 18-00-ге дейін. Үзіліс:13-00-ден – 14-00-ге дейін.
