НАҚ-НАҚ
«Жас ұлан» мектебін бітірді
Астанада армия генералы С. Нұрмағамбетов атындағы республикалық «Жас ұлан» мектебін бітірушілердің оқу орнымен қоштасу салтанаты өтті. Шарада Республикалық Ұланның құрметті қарауыл ротасы мен «Жас ұлан» мектебінің барабаншылар ротасы жұртшылыққа өз өнерлерін көрсетті.
«Өтірік» өрт өшірілді
Қазақстан Республикасы ТЖМ бөлімшелері Астананың сол жағалауында орналасқан «Грация 4» тұрғын үй кешенінде шартты түрде өрт сөндіру оқу-жаттығуын өткізді. №2 шақырту рангі бойынша өткен оқу-жаттығу жұмыстарына 18 техника, 1 тікұшақ пен жеке құрамның 90 адамы жұмылдырылды.
Апаттық жағдайдағылар баспана алады
Жыл соңына дейін Астанада апатты жағдайдағы тұрғын үйлерде тұратын 180 отбасы жаңа баспанаға ие болады. Астанада әкімдіктің жанынан «Елорда даму» ЖШС құрылған. Астанада 228 ескі үйді бұзу жоспарланған. Бүгінде апатты жағдайдағы үйлерде тұрып жатқан адамдарға арнап 6 үйдің құрылысы басталған.
Кеше…
Назарбаев Университетінде жоғары білім көшбасшыларының екінші Еуразиялық форумы өтті.
Бүгін…
Қ. Қуанышбаев атындағы Мемлекеттік академиялық қазақ музыкалық драма театрында «Қыз Жібек» музыкалық драмасының премьерасы болады.
Ертең…
М.Горький атындағы Мемлекеттік академиялық орыс драма театрында Н.Птушкинаның «Браво, Лауренсия!..» комедиясы қойылады.
Сансөйлем
Қалалық Жұмыспен қамту және әлеуметтік бағдарламалар басқармасы жетімдер қатарындағы жалпы білім беретін мектеп түлектеріне тұрақты түрде әлеуметтік көмек көрсетіп келеді. Мәселен, өткен 2012-2013 оқу жылында жоғары оқу орнында оқитын 146 студенттің оқу ақысы төленді. Олардың 17-сі – жетім, 7-еуі – ата-анасының қамқорлығынсыз қалған, 17-сі – балалар үйінде тәрбиеленуші, 12-сі жастайынан мүгедек болса, 93-і көпбалалы отбасынан шыққан.
Еркежан СӘТІМБЕК