Еркін күрестен әлем чемпионы Ризабек Айтмұхан екінші мәрте Азия чемпионатының күміс жүлдегері атанды.
Ұлттық Олимпиада комитетінің хабарлауынша, 97 келі салмаққа ауысқан қазақ балуаны осы салмақтағы әлем чемпионы, Бахрейн елінің атынан сынға түскен дағыстандық балуан Ахмед Тажудиновқа финалда есе жіберді. Бүгінгі таңда Астанада жаттығатын Ризабек Айтмұхан 92 келі салмақта әлем чемпионы болған еді. Ал қазір олимпиадалық салмақта, яғни 97 келіде күресіп жүр.
