استانادا 5000-نان استام ستۋدەنت ەكوچەللەندج ۇيىمداستىردى, دەپ حابارلايدى astana-akshamy.kz
استانادا «تازا قازاقستان. استانا – تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكتسياسى جالعاسۋدا. بۇگىن س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ 5000-نان استام ستۋدەنتى اۋقىمدى ەكواكتسيانى قولداپ, قالانى تازالاۋعا شىقتى.
«قورشاعان ورتانى تازارتۋ ماسەلەسىن شەشۋ ءبارىمىز ءۇشىن پايدالى, ويتكەنى تازا اۋا ازاماتتاردىڭ دەنساۋلىعى مەن ءال-اۋقاتىن جاقسارتادى. قازىرگى ۋاقىتتا جاس ۇرپاقتىڭ سەنبىلىكتەرگە قاتىسۋى قالالاردى ءومىر مەن جۇمىس ءۇشىن تارتىمدى ەتەتىن دامۋدىڭ نەگىزى بولۋى كەرەك. بيىل 130 جىلدىعى اتالاتىن كورنەكتى مەملەكەت قايراتكەرى ساكەن سەيفۋلليننىڭ ەسىمىمەن اتالاتىن ۋنيۆەرسيتەت ستۋدەنتتەرى سەيفۋللين اتىنداعى كوشەنى اباتتاندىرۋعا ءوز ۇلەستەرىن قوسۋى زاڭدى», – دەدى قازاتۋ رەكتورى قانات تىرەۋوۆ.
ايتا كەتەيىك, ءىس-شارا ۋنيۆەرسيتەت ستۋدەنتتەرى قاتىسقان چەللەندجدەن باستالدى. ماسەلەن, س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ ستۋدەنتتەرى ەستافەتانى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنە جولدادى.
ۇيىمداستىرۋشىلار اتاپ وتكەندەي, ەكوچەللەندج جالعاسادى جانە استانانىڭ 15 جوعارى وقۋ ورنىنىڭ بارلىق ستۋدەنتتەرىن قامتيدى.
«بۇگىن ءبىز «تازا قازاقستان» رەسپۋبليكالىق اكتسياسى اياسىندا ءىس-شارا وتكىزدىك جانە بارشاڭىزدى قالامىزدىڭ تازالىعىن ساقتاۋعا شاقىرعىمىز كەلەدى, ويتكەنى ءبىزدىڭ دەنساۋلىعىمىز وسىعان بايلانىستى. ءبىز ەلىمىزدى تارتىمدى ەتۋ ءۇشىن مەملەكەت باسشىسىن قولدايمىز. بۇگىن ءبىز ۋنيۆەرسيتەت اۋماعىن جانە وعان جاقىن ماڭداعى ساياباقتاردى تازارتتىق, سونداي-اق بەيبىتشىلىك, ءاليا مولداعۇلوۆا جانە جەڭىس داڭعىلدارىن تازارتتىق. ءبىز وزىمىزبەن بىرگە تىرناۋىش, كۇرەك جانە سىپىرعىش سياقتى قاجەت نارسەنىڭ ءبارىن الدىق. بۇگىنگى اكتسيانى جوو-نىڭ كوپتەگەن ستۋدەنتتەرى قولداعانىن اتاپ وتكىم كەلەدى», – دەدى 3 كۋرس ستۋدەنتى سانجار بازاربەكوۆ.
سونىمەن قاتار ول ەگەر اركىم وزىنەن باستاسا, ەلوردادا تازالىق پەن ءتارتىپتى ساقتاسا, قالا ودان دا ادەمى بولىپ, كوبىرەك تۋريستەردى تارتاتىنىن اتاپ ءوتتى.
ايتا كەتسەك, استانادا اۋقىمدى ەكواكتسيا جالعاسۋدا. ول بەس اپتاعا سوزىلادى, ولاردىڭ ارقايسىسى بەلگىلى ءبىر تاقىرىپقا ارنالعان. وسى اپتا «كيەلى مەكەن» دەگەن اتپەن وتۋدە.
«جاسىل ايماق» ءۇشىنشى اپتاسى اعاش وتىرعىزۋعا, ەكپەلەردى اقتاۋعا ارنالادى.
4 مامىرعا دەيىنگى كەزەڭ – «ونەگەلى ۇرپاق», ول ارداگەرلەر تۇراتىن اۋلالاردى جانە قارتتار ۇيلەرىنىڭ اۋماقتارىن تازالاۋعا جانە اباتتاندىرۋعا ارنالادى.
سوڭعى, بەسىنشى اپتادا «ءمولدىر بۇلاق» دەپ اتالاتىن سۋ ايدىندارى – وزەندەر مەن كولدەردىڭ اينالاسى قوقىستان تازارتىلادى.
