ساحا رەسپۋبليكاسىنىڭ مادەني كۇندەرى اياسىندا قر ۇلتتىق مۋزەيىندە «ياكۋتيا قازىناسى» كورمەسى اشىلدى, دەپ حابارلايدى astana-akshamy.kz
كورمە «ساحا رەسپۋبليكاسىنىڭ كەستەلەنگەن كارتاسى», «ەۋرازيا حالىقتارىنىڭ مادەنيەتىندەگى جىلقى كۋلتى» , «ياكۋتيانىڭ قازىنا قورى» جانە «ياكۋتيانىڭ ۇستالىق ونەرى» اتتى ءتورت بولىمنەن تۇرادى.
كورمەگە كەلۋشىلەر ياكۋتيانىڭ ساندىك-قولدانبالى ونەر شەبەرلەرىنىڭ ەكسكليۋزيۆتى اۆتورلىق جۇمىستارىن تاماشالاي الادى جانە اسىل تاستارمەن كومكەرىلگەن سيرەك ماتەريالداردان جاسالعان ءداستۇرلى پىشاقتاردىڭ الۋان تۇرلەرىمەن تانىسا الادى.
ەكسپوزيتسياداعى باستى ەكسپونات – «گاۋھار تاستاردىڭ جارقىراۋى» دەپ اتالاتىن كۇمىس تاباققا 2000 مىڭنان استام گاۋھار تاستىڭ شاشىراندى كەندەرى سالىنعان كومپوزيتسيا.
كورمە 2024 جىلدىڭ 1 مامىرىنا دەيىن جالعاسادى.
قازاقستاندا ساحا رەسپۋبليكاسىنىڭ مادەني كۇندەرىنە ارنالعان ءىس-شارالار استانا مەن الماتى قالالارىندا وتەدى.
اتاپ ايتساق, قاليبەك قۋانىشباەۆ اتىنداعى مەملەكەتتىك ۇلتتىق قازاق مۋزىكالىق دراما تەاترىنىڭ كامەرالىق زالىندا «ياكۋتيا ۆيرتۋوزدارى» سكريپكاشىلار ءانسامبلىنىڭ كونتسەرتى, «نۋرگۋن بووتۋر» ولونحو وپەراسى, م. گوركي اتىنداعى ورىس دراما تەاترىنىڭ زالىندا «كىىس دەبيليە» ولونحو سپەكتاكلى وتەدى.
الماتىنىڭ مەملەكەتتىك تەاتر زالدارىندا كونتسەرتتەر مەن سپەكتاكلدەر ۇيىمداستىرىلادى.
