كاۋكەن كەنجەتاەۆ ليبرەتتوسىن جازعان ەركەعالي راحماديەۆتىڭ «الپامىس» قيال-عاجايىپ وپەراسى «استانا وپەرا» تەاترىنىڭ ۇلكەن زالىندا كورسەتىلدى, دەپ حابارلايدى astana-akshamy.kz
كورەرمەنگە ۇلتتىق ەپيكالىق قاھارمان الپامىس باتىردىڭ وپەرالىق سيۋجەتى عانا ەمەس, سونىمەن قاتار قازاق حالقىنىڭ باقىت, بوستاندىق ءۇشىن كۇرەسىن, تۋعان جەرگە دەگەن ماحابباتىن دارىپتەيتىن شىعارمانىڭ مۋزىكالىق دراماتۋرگياسى دا انىق باياندالدى.
وپەرانىڭ مۋزىكالىق سۇيەمەلدەۋى حالىق اندەرىنەن تۇرادى. جاعىمسىز كەيىپكەرلەردى سۋرەتتەيتىن, بەينەلى-مازمۇندى ۆوكالدىق پارتيالار دا ورىندالدى.
سپەكتاكلدى قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, رەسەي حالىق ءارتىسى, اتاقتى رەجيسسەر يۋري الەكساندروۆ قويدى. مۋزىكالىق جەتەكشى جانە قويۋشى-ديريجەر – قازاقستاننىڭ ەڭبەك سىڭىرگەن قايراتكەرى ابزال مۇحيتدين.
ايتا كەتەيىك, «استانا وپەرا» رەپەرتۋارىندا ۇلتتىق سپەكتاكلدەردىڭ ورنى بولەك جانە ەرەكشە سۇرانىسقا يە. سول سەبەپتى جىل سايىن قازاق حالقىنىڭ تاريحى مەن ءداستۇرى باياندالاتىن مۋزىكالىق شىعارمالار سانى ارتىپ كەلەدى.
