قر پرەزيدەنتى نۇرسۇلتان نازارباەۆتىڭ جارلىعىمەن اسەت ورەنتايۇلى يسەكەشەۆ استانا قالاسىنىڭ اكىمى بولىپ تاعايىندالدى.
بۇل تۋرالى اقوردانىڭ ءباسپاسوز قىزمەتىنەن حابارلادى.
«ءا.ءو. يسەكەشەۆتى استانا قالاسىنىڭ اكىمى قىزمەتىنە تاعايىنداۋ تۋرالى» جارلىق
اسەت ورەنتايۇلى يسەكەشەۆ استانا قالاسىنىڭ اكىمى بولىپ تاعايىندالسىن, ول قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى قىزمەتىنەن بوساتىلسىن.
قازاقستان رەسپۋبليكاسىنىڭ
پرەزيدەنتى ن.نازارباەۆ
***
اسەت يسەكەشەۆ – 1971 جىلدىڭ 17 تامىزىندا قاراعاندى قالاسىندا تۋعان.
1994 جىلى – ءال-فارابي اتىنداعى قازمۇۋ, زاڭ فاكۋلتەتى.
1998 جىلى – قازاقستان رەسپۋبليكاسى پرەزيدەنتىنىڭ جانىنداعى جوعارى مەملەكەتتىك باسقارۋ مەكتەبى.
قازاقستان رەسپۋبليكاسى ستراتەگيالىق جوسپارلاۋ جانە رەفورمالار جونىندەگى اگەنتتىگىندە,قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەگەن.
2003 جىلى قازاقستان رەسپۋبليكاسى يندۋستريا جانە ساۋدا ۆيتسە-ءمينيسترى لاۋازىمىنا تاعايىندالدى.
2006 جىلى «قازىنا ورنىقتى دامۋ قورى» اق باسقارما توراعاسىنىڭ ورىنباسارى.
2007 – 2008 جىلدارى «Credit Swiss» (قازاقستان) كومپانياسىنىڭ قارجىلىق جوبالار ماركەتينگى جونىندەگى ديرەكتورى.
2008 جىلعى اقپان – 2009 جىلعى مامىر ارالىعىندا قازاقستان رەسپۋبليكاسى پرەزيدەنتىنىڭ ەكونوميكا ماسەلەلەرى جونىندەگى كومەكشىسى;
2009 جىلعى مامىردان باستاپ, قازاقستان رەسپۋبليكاسى يندۋستريا جانە ساۋدا ءمينيسترى;
2010 جىلعى ناۋرىزدان باستاپ, قازاقستان رەسپۋبليكاسى پرەمەر-ءمينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترى.
2012 جىلعى قانتاردان باستاپ, قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى.
2012 جىلعى قىركۇيەكتەن باستاپ, قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى.
2014 جىلعى 6 تامىزدان باستاپ, قازاقستان رەسپۋبليكاسى ينۆەستيتسيالار جانە دامۋ ءمينيسترى.
«قازاقستان رەسپۋبليكاسى تاۋەلسىزدىگىنىڭ 20-جىلدىعى مەرەكەلىك مەدالىمەن, «قۇرمەت» وردەنىمەن ماراپاتتالعان.
