استانادا نازارباەۆ ۋنيۆەرسيتەتىندە «شەكتەۋدەن تىس: اۋتيزم جولىنداعى مۇمكىندىكتەردى كەڭەيتۋ» اتتى اۋتيزمگە ارنالعان حالىقارالىق كونفەرەنتسياسى ءوتتى., دەپ حابارلايدى astana-akshamy.kz
كونفەرەنتسياعا ينكليۋزيۆتى ءبىلىم بەرۋ جانە وڭالتۋ سالاسىنداعى اقش, فرانتسيا, رەسەي, وزبەكستان, قىرعىزستان ەلدەرىنىڭ ساراپشىلارى قاتىستى. ۇيىمداستىرۋشى – «بولاشاق» كورپوراتيۆتىك قورى.
كونفەرەنتسيانىڭ ماقساتى – اۋتيزم سپەكترىنىڭ بۇزىلىستارى (اسب) تۋرالى قوعامنىڭ حاباردارلىعىن ارتتىرۋ, دياگنوستيكالاۋ جانە اۋتيزم بار بالالاردى قولداۋ سالاسىنداعى تاجىريبە الماسۋ جانە وزىق پراكتيكالاردى ۇيرەتۋ, سونداي-اق اۋتيزم بار بالالاردى قوعامعا قوسۋ جانە ولاردىڭ دامۋىنا جانە ءوز قابىلەتتەرىن شىڭداۋدا تەڭ مۇمكىندىكتەردى قامتاماسىز ەتۋ بويىنشا باستامالاردى ىلگەرىلەتۋ.
رەسمي دەرەكتەرگە سايكەس قازاقستاندا اۋتيزم سپەكترىنىڭ بۇزىلۋى بار 16 700 بالا تۇرادى. اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ دەرەكتەرى بويىنشا ءاربىر 36-شى بالاعا جانە 45-ءشى ەرەسەك ادامعا اۋتيزم دياگنوزى قويىلعان.
كونفەرەنتسيادا ءسوز سويلەگەندەر: فيلوسوفيا دوكتورى, BCBA-D, IBA, حالىقارالىق مىنەز-قۇلىقتى تالداۋ ۇيىمىنىڭ اتقارۋشى ديرەكتورى مايكل ميۋللەر (اقش), پەداگوگيكا عىلىمدارىنىڭ دوكتورى, فرانتسيانىڭ پسيحوموتورلىق تەراپەۆتتەر فەدەراتسياسى باس حاتشىسىنىڭ ورىنباسارى نيكوليا راينال (فرانتسيا), Autism Speaks, يۋنيسەف حالىقارالىق ۇيىمدارىنىڭ وكىلدەرى, تمد ەلدەرىنىڭ ساراپشىلارى: «موتيۆاتسيا جانە ىنتىماقتاستىق اكادەمياسى» اۆا-ورتالىعىنىڭ ديرەكتورى, ۆسۆا, IBA, CBA-S سۋپەرۆيزورى سەرگەي بالاشەۆ (رف), پسيحولوگيا ماگيسترى, سەرتيفيكاتتالعان مىنەز-قۇلىق تالداۋشىسى جانە سۆا-S سۋپەرۆيزور داريا براجەنكوۆا (رف), سەرتيفيكاتتالعان BCBA, IBA, CBA-S مىنەز-قۇلىق تالداۋشىسى, رەسۋرستىق سىنىپتار سۋپەرۆيزورى ناتاليا فوششۋنوۆا (رف), ارنايى ءبىلىم بەرۋ ماگيسترى, اۆا-ينسترۋكتور, اسسيستەنت-پەداگوگ ناتاليا فرولوۆا (رف). سەرتيفيكاتتالعان مىنەز-قۇلىق تالداۋشىسى جانە سۆا-S سۋپەرۆيزور زۋحرا ساتتاروۆا اۋتيزم بار بالالار مەن ەرەسەكتەردى قولداۋداعى وزبەكستاننىڭ تاجىريبەسى تۋرالى ايتىپ بەردى, ال سەرتيفيكاتتالعان ۆساۆا, IBA, CBA-S مىنەز-قۇلىق تالداۋشىسى بەگيماي كاپاروۆا قىرعىزستاننىڭ تاجىريبەسىمەن ءبولىستى.
كونفەرەنتسياعا قاتىسۋ ءۇشىن 150-دەن استام اتا-انا جانە 900 مامان تىركەلدى. قازاقستاننىڭ 6 قالاسىنان, سونداي-اق وزبەكىستان مەن قىرعىزستاننان شامامەن 820 ادام كونفەرەنتسيا تىڭداۋشىسى بولدى. شارانىڭ ونلاين كورسەتىلىمىن 250 ادام تاماشالادى. ولاردىڭ اراسىندا: اۆا-تەراپيستەر, مەملەكەتتىك جانە جەكە ءبىلىم بەرۋ جانە مەديتسينالىق ورتالىقتاردىڭ باسشىلارى, ەدش, بدش ينسترۋكتورلارى, ادىسكەرلەر, الەۋمەتتىك قىزمەتكەرلەر, باستاۋىش سىنىپ مۇعالىمدەرى, تاربيەشىلەر, لوگوپەدتەر, دەفەكتولوگتار, اسسيستەنت-پەداگوگتار, ينكليۋزيۆتى ءبىلىم بەرۋ ۇيلەستىرۋشىلەرى, كۋراتورلار, سۋپەرۆيزورلار, جالپى پراكتيكا دارىگەرلەرى, پەدياترلار, رەزيدەنت دارىگەرلەر, نەۆروپاتولوگتار, پسيحياترلار, بالالار پسيحياترلارى, نەيروپسيحولوگتار, ناركولوگ-دارىگەرلەر, رەابيليتولوگتار, سەنسورلىق تەراپەۆتتەر, سۋردوپەداگوگتار, نۋتريتسيولوگتار, وليگوفرەنوپەداگوگتار, ەرگوتەراپەۆتتەر, ستۋدەنتتەر.
