بيىلعى كوكتەم كوپتەگەن قيىندىقتارمەن كەلدى. كىبىسە جىلىندا قازاقستاننىڭ باتىس, سولتۇستىكتەگى ايماقتارىن بۇرىن-سوڭدى بولماعان توپان سۋ باستى. قارعىن سۋدان زارداپ شەككەندەر از ەمەس. قازاقستاندىقتار, جەرگىلىكتى كاسىپكەرلەر, ءىرى كومپانيالار, قاراپايىم ازاماتتار, وقۋ ورىندارى ەل پرەزيدەنتى قاسىم-جومارت توقاەۆتىڭ سۋ تاسقىنى سالدارىنان زارداپ شەككەن ازاماتتارعا كومەك كورسەتۋگە شاقىرعانىن قۇپ الىپ, جۇدىرىقتاي جۇمىلىپ, قولدان كەلگەن كومەگىن كورسەتۋدە.
– وتاندىق بيزنەستىڭ بارلىق وكىلدەرىن وسى جاۋاپتى ساتتە شەتتە قالماۋعا جانە ادامدارعا كومەك قولىن سوزۋعا شاقىرامىن. تابيعي اپاتتان زارداپ شەككەن بارلىق تۇرعىندار مەن وڭىرلەرگە بارىنشا قولداۋ كورسەتۋ قاجەت. بۇگىندە بۇل ءبارىمىز ءۇشىن ورتاق مىندەت, – دەدى مەملەكەت باسشىسى. وسىعان وراي Maqsut Narikbayev University مەملەكەت باسشىسىنىڭ باستاماسىن قولداپ, قيىن جاعدايعا تاپ بولعاندارعا العاشقىلاردىڭ قاتارىندا كومەك كورسەتتى. ۋنيۆەرسيتەت ۇجىمى تابيعي اپاتتان زارداپ شەككەندەرگە ماتەريالدىق جانە قارجىلىق كومەكتى ۇسىندى, سۋ تاسقىنىنان زارداپ شەككەندەرگە ارنالعان قايىرىمدىلىق قورلارىنا قوماقتى قاراجات ءبولدى. MNU ستۋدەنتتەرى قايىرىمدىلىق جارمەڭكەسىن ۇيىمداستىرىپ, ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن بىرلەسىپ, قوستاناي جانە اتىراۋ وڭىرلەرىنە گۋمانيتارلىق كومەك جىبەردى. سونداي-اق ۋنيۆەرسيتەت سۋ تاسقىنىنان زارداپ شەككەن ستۋدەنتتەردى وقىتۋ ءۇشىن 10 گرانت بولۋگە نيەتتى. گرانت يەگەرلەرىنە قوسىمشا قولداۋ كورسەتۋ ماقساتىندا ستۋدەنتەر ۇيىنەن كەزەكتەن تىس ورىن ءبولۋ تۋرالى ۇسىنىستى قولداپ وتىر. ۋنيۆەرسيتەتتە سۋ تاسقىنىنان زارداپ شەككەن ايماقتارعا گۋمانيتارلىق كومەك جيناۋ الداعى ۋاقىتتا جالعاسادى. پرەزيدەنت ايتقانىنداي, سۋ تاسقىنى بولعان وڭىرلەردەگى ازاماتتاردىڭ شىعىندارىن وتەۋ ءۇشىن مەملەكەت تاراپىنان بارلىق ءتيىستى شارالار قابىلداناتىن بولادى, سەبەبى ءالى دە قاۋىپ سەيىلگەن جوق.
