الاڭدا – استانالىق جۋرناليستەر
بايلانىس جانە اقپارات سالاسى قىزمەتكەرلەرىنىڭ مەيرامىنا وراي استانادا ق.مۇڭايتپاسوۆ اتىنداعى ورتالىق ستاديوندا شاعىن فۋتبولدان تۋرنير ءوتتى.
مەرەكەلىك شاراعا «Kazsport», «حابار», «قازاقستان» تەلەارنالارىنىڭ, «استانا اقشامى», «ەگەمەن قازاقستان» گازەتتەرىنىڭ, سونداي-اق, «قازكونتەنت», «جۋرناليستەر ءۇيى», «قازاقپارات» اگەنتتىگىنىڭ, «قازمەديا ورتالىعىنىڭ», «كوركەم» ستۋدياسىنىڭ, استانا قالاسى ىشكى ساياسات باسقارماسىنىڭ, «قازاق راديوسى» جانە «National Geographic قازاقستان» ۇيىمدارىنىڭ وكىلدەرى شەبەرلىك سىناستى.
– قۇرمەتتى ارىپتەستەر, سىزدەردى بايلانىس جانە اقپارات سالاسىنىڭ قىزمەتكەرلەرى كۇنىمەن شىن جۇرەكتەن قۇتتىقتايمىن. سىزدەردىڭ بەلسەندى ازاماتتىق ۇستانىمدارىڭىز – وبەكتيۆتىلىكتەرىڭىز بەن جاڭالىققا, اقيقاتتى انىقتاۋعا دەگەن ۇمتىلىستارىڭىز – كاسىپتەرىڭىزدىڭ ەرەكشە قاسيەتى. ءبىز باق وكىلدەرىمەن دوستىق ارىپتەستىك قارىم-قاتىناسىمىزدى جوعارى باعالايمىز. بارشاڭىزعا تابىس پەن جاڭا شىڭداردان كورىنۋدى تىلەيمىن, ارقاشان كوزدەگەن ماقساتتارىڭىزعا جەتىڭىزدەر, – دەدى قالالىق ىشكى ساياسات باسقارماسىنىڭ باسشىسى ەرلان كاناليموۆ.
جەرەبە تاستالعاننان كەيىن كوماندالار ءتورت شاعىن توپقا جىكتەلدى. ستاديون الاڭى ەكىگە ءبولىنىپ, ءبىر ۋاقىتتا ەكى كوماندادان جارىستى. ءار تايم 10 مينۋتقا سوزىلدى. تارتىستى ءوتكەن تۋرنيردە «قازاق راديوسىنىڭ» جۋرناليستەرى باس ءجۇلدەنى جەڭىپ الدى.
– بۇگىنگى مەرەكە قارساڭىندا بارلىق جۋرناليستەر ءوز جۇمىسىنىڭ قورىتىندىسىن شىعاردى. جارىسقا 13 كوماندا قاتىستى. وسىنداي ءىس-شارالاردىڭ ارقاسىندا ءبىزدەر – جاس جۋرناليستەر ۇلگى الىپ, كاسىبي تۇرعىدان وسەمىز. بارىنە دە ساتتىلىك ءتىلەيمىن, كەلەسى مەرەكەدە كەزدەسكەنشە, – دەدى «قازاق راديوسىنىڭ» ديكتورى دوسىمجان ەرمۇرات.
جارىستا كۇمىس ءجۇلدە «حابار» تەلەارناسىنىڭ, ال قولا جۇلدە «قازاقستان» تەلەارناسىنىڭ ۇجىمىنا بۇيىردى. «قازاقپارات» حالىقارالىق اقپارات اگەنتتىگى ءتورتىنشى ورىندى ەنشىلەدى. جۇلدەلى ورىن العان كوماندالار باعالى سىيلىقتارمەن ماراپاتتالدى.
بوتاگوز ماراتقىزى