ەلوردا اكىمدىگى ەل تاۋەلسىزدىگىنىڭ 25 جىلدىعىنا ارناپ 60-تان اسا شارا دايىنداپ جاتىر, دەپ حابارلايدى astana.gov.kz.
مەرەكەلىك شارالارعا قاتىسۋعا پەداگوگتارعا, دارىگەرلەرگە, سپورتشىلارعا, قۇرىلىسشىلارعا, كاسىپكەرلەرگە, ستۋدەنتتەرگە, كوپ بالالى انالارعا جانە ەڭبەك ۇجىمدارىنا, جاس رەسپۋبليكانىڭ دامۋىنا ەلەۋلى ۇلەس قوسقان, قازاقستاندى شەتەلگە تانىتقان ازاماتتارعا باسىمدىق بەرىلەدى. سونىمەن قاتار, ەلوردا تۇرعىندارى مەن قوناقتارى تاۋەلسىزدىك كۇنىن مەرەكەلەۋگە ارنالعان كورمەلەر مەن كونتسەرتتەردى تاماشالاي الادى.
اتاپ ايتقاندا, 13 جەلتوقساندا وقۋشىلار سارايىندا (ب.مومىشۇلى داڭعىلى) «ماڭگىلىك ەل – قۋاتتى قازاقستان» مەرەكەلىك كونتسەرتى وتەدى; 22 جەلتوقساندا اقبۇلاق وزەنىنىڭ جاعالاۋىندا جانە «جەرۇيىق» ساياباعىندا «مۇز ۇستىندەگى قالا» مۇز قالاشىقتارى, مەكتەپتەردىڭ اۋماقتارىندا حوككەي كورتتارى اشىلادى; جەلتوقساننىڭ 10-ىنان 12-سىنە دەيىن الماتى اۋدانىنىڭ تۇرعىن الاپتارىندا «استانا شاتتىق» اۆتوكەرۋەنى قازاقستان ەستراداسى جۇلدىزدارىنىڭ قاتىسۋىمەن مەرەكەلىك كونتسەرت وتەدى; 23 جەلتوقساندا «قازاقستان» سپورت سارايىندا جەتىم بالالار مەن الەۋمەتتىك جاعىنان از قامتىلعان وتباسىلاردان شىققان جەتكىنشەكتەر ءۇشىن تەگىن مۇزدا كونكي تەبۋ شاراسى ۇيىمداستىرىلادى.
سونداي-اق, زەينەتكەرلەر, كوپ بالالى جانە تۇرمىسى تومەن ازاماتتار 18, 19, 24, 25, 26 قاراشا كۇندەرى م.گوركي اتىنداعى مەملەكەتتىك اكادەميالىق ورىس دراما تەاترىندا جانە 29 قاراشاعا دەيىن ق.قۋانىشباەۆ اتىنداعى مەملەكەتتىك قازاق مۋزىكالىق دراما تەاترىندا قويىلىمداردى تەگىن تاماشالايدى.
