استانادا قازاقستاننىڭ ەڭبەك سىڭىرگەن سپورت شەبەرى ءاليا ءجۇسىپوۆانىڭ جۇلدەسى ءۇشىن كوركەم گيمناستيكادان حالىقارالىق تۋرنير ءوتتى.
مادەنيەت جانە سپورت مينيسترلىگى, استانا قالاسى تۋريزم, دەنە تاربيەسى جانە سپورت باسقارماسىنىڭ قولداۋىمەن وتكىزىلگەن جارىسقا رەسەي, بەلارۋس, سەربيا, تۇركيا, تايلاند, ۆەتنام, وزبەكستان, ازەربايجان, قىرعىزستان جانە قازاقستاننىڭ ءجاسوسپىرىم گيمناستشىلارى قاتىستى.
«داۋلەت» سپورت كەشەنىندە ەكى كۇن بويى, بەس جاس مولشەرى بويىنشا وتكەن تۋرنيردە قازاقستاندىق گيمناستشىلار جاقسى ناتيجە كورسەتتى. اتاپ ايتقاندا, 2001 جىلى تۋعاندار سايىسىندا الينا ءادىلحانوۆا چەمپيون بولسا, 2000 جىلى تۋعاندار سايىسىندا مەدينە نۇرعالي, 2002 جىلى تۋعاندار سايىسىندا اديلە تلەكەنوۆا, 2003 جىلى تۋعاندار سايىسىندا روزا ابيتوۆا حالىقارالىق جارىستىڭ كۇمىس جۇلدەگەرى اتاندى. ءوز جاستارى بويىنشا دايانا ابدىربەكوۆا مەن ديانا زۆونارەۆا قولا جۇلدەگە قول سوزدى.
حالىقارالىق ءتۋرنيردىڭ بارلىق جەڭىمپازدارى مەن جۇلدەگەرلەرىن اتاقتى گيمناستشىمىز ءاليا ءجۇسىپوۆا ءوزى قۇتتىقتاپ, جۇلدەلەرىن تابىس ەتتى.
