استانا قالاسىندا زاماناۋي قۇرىلعىلارمەن جابدىقتالعان وزگەشە اۆتوتۇراقتار سالىنباق. «استانا Innovations» اق مالىمەتى بويىنشا, اقىلدى اۆتوتۇراقتار سىنامالى جوبا رەتىندە بيىل جۇزەگە اسىرىلا باستايدى.
اۆتوتۇراقتار ارناۋلى اقپاراتتىق تاقتالارمەن جابدىقتالادى. كولىك يەلەرى سول ارقىلى تۇراق, تاريف جانە تۇراق ءۇشىن تولەۋ ءتارتىبىن پايدالانۋ جونىندەگى مالىمەتتەرگە قانىعا الادى. مامانداردىڭ ايتۋىنشا, اۆتوتۇراقتار, نەگىزىنەن, اكىمشىلىك-ىسكەرلىك عيماراتتاردىڭ ماڭايىندا, ساۋدا ورتالىقتاردىڭ الدىندا بوي كوتەرەدى. ەڭ العاشقىلارى سارىارقا, سەيفۋللين, عابدۋللين, باراەۆ كوشەلەرىندە سالىنادى.
بۇل جوبا 2013 جىلى استانا قالاسى اكىمدىگى مەن «VINCI Construction Grands Projets» كومپانياسى اراسىندا جۇرگىزىلگەن تۇراق سالۋ ونەركاسىبىن دامىتۋ جونىندەگى ىنتىماقتاستىق مەموراندۋمى نەگىزىندە جۇزەگە اسىرىلىپ وتىر. كەلىسىمگە سايكەس ەلوردانىڭ سول جاعالاۋىندا ءۇش اۆتوتۇراق قۇرىلىسى باستالۋعا ءتيىس. سونداي-اق, استانانىڭ باس جوسپارى بويىنشا, بيىل «سامال» شاعىن اۋدانىندا جەتى قاباتتى جابىق تۇراق سالۋ جوسپارلانعان.
جۇلدىز جاقىپوۆا,
ەۋرازيا ۇلتتىق ۋنيۆەرسيتەتىنىڭ 1-كۋرس ستۋدەنتى
